Belgiyalik yarim himoyachi, "Napoli" futbolchisi Kevin de Bryuyne neapolliklarning bosh murabbiyi Antonio Konte va "Manchester Siti"ni boshqarayotgan Pep Gvardiola o'rtasidagi farqlar haqidagi savolga javob berdi.

"Aytish qiyin, chunki men "Napoli" safida hali bor-yo'g'i ikkita o'yin o'tkazdim. Kontening uslubi Pepnikidan ancha farq qiladi. U juda ham taktik, o'yin surati esa biroz sekinroq. O'yin uslubi boshqacha, maydonlar ham turlicha - ular bu erda quroqroq. Shuning uchun tempni ushlab turish qiyin", - deydi Kevin de Bryuyne.

Eslatib o'tamiz, shu yozda 34 yoshli yarim himoyachi "Manchester Siti"dan "Napoli"ga erkin agent sifatida o'tgan edi. Joriy mavsumda u A Seriyada ikki o'yin o'tkazib, bir gol urdi. Transfermarkt portali malumotlariga ko'ra, uning hozirgi bozor qiymati 20 mln evroni tashkil qiladi.

Kevin de Bryuyne Konte va Gvardiolani taqqosladi