“Enfild”da kechgan ilk uchrashuvda mersisaydliklar 5:2 hisobida g'alaba qozonishgan edi.

“Yo'q, tezkor gol Rimdagi bahsda bizning asosiy maqsadimiz emas. O'yin tempini uchrashuv davomida saqlab turish, vaziyatlar yaratish – bizning vazifamiz. Yaxshi natija uchun imkoniyat bo'lsa, uni qo'ldan chiqarmasligimiz kerak.

Bu shubhasiz ajoyib o'yin bo'ladi. Biz ertaga himoyaga bor kuchimizni tashlab, hujumda ham imkoniyatlarimizdan foydalanashimiz kerak. Rimdagi bahsni sabrsizlik bilan kutmoqdaman. “Olimpiko”da ajoyib atmosferada minglab muxlislar “Roma”ni ajoyib tarzda qo'llab-quvvatlashadi. Bizning muxlislar ham “Enfild”da shunday dalda bo'lishgandi.

Finalga biz chiqsak, demak biz bunga loyiq bo'lamiz. Ular yo'l olishsa, demak ular shu yo'lda harakat qilishgan bo'ladi. Hammasi juda oddiy”, deya Kloppning so'zlaridan iqtibos keltirmoqda “Liverpul” matbuot xizmati.

“Roma”- “Liverpul” o'rtasidagi ECHL yarim final javob o'yini 2 may kuni soat 23:45 da Rimdagi “Olimpiko” stadionida boshlanadi.

Klopp: “Hammasi oddiy”