“Энфилд”да кечган илк учрашувда мерсисайдликлар 5:2 ҳисобида ғалаба қозонишган эди.

“Йўқ, тезкор гол Римдаги баҳсда бизнинг асосий мақсадимиз эмас. Ўйин темпини учрашув давомида сақлаб туриш, вазиятлар яратиш – бизнинг вазифамиз. Яхши натижа учун имконият бўлса, уни қўлдан чиқармаслигимиз керак.

Бу шубҳасиз ажойиб ўйин бўлади. Биз эртага ҳимояга бор кучимизни ташлаб, ҳужумда ҳам имкониятларимиздан фойдаланашимиз керак. Римдаги баҳсни сабрсизлик билан кутмоқдаман. “Олимпико”да ажойиб атмосферада минглаб мухлислар “Рома”ни ажойиб тарзда қўллаб-қувватлашади. Бизнинг мухлислар ҳам “Энфилд”да шундай далда бўлишганди.

Финалга биз чиқсак, демак биз бунга лойиқ бўламиз. Улар йўл олишса, демак улар шу йўлда ҳаракат қилишган бўлади. Ҳаммаси жуда оддий”, дея Клоппнинг сўзларидан иқтибос келтирмоқда “Ливерпул” матбуот хизмати.

“Рома”- “Ливерпуль” ўртасидаги ЕЧЛ ярим финал жавоб ўйини 2 май куни соат 23:45 да Римдаги “Олимпико” стадионида бошланади.

Клопп: “Ҳаммаси оддий”