Ushbu tur o'yinlarida sodir bo'lgan qiziqarli voqealar, natijalar va malumotlar haqida to'xtalib o'tamiz.

"A" guruhi

Musobaqaning ochilish uchrashuvida Braziliya hamda Boliviya terma jamoalari maydonga tushishdi. Boliviya FIFA reytingi bo'yicha ushbu turnirda ishtirok etayotganlar orasida eng so'nggi o'rinni egallab turibdi va shak-shubhasiz ushbu guruh autsayderi hisoblanadi. Braziliya kutilganidek raqibini katta qiyinchiliksiz yirik hisobda (3:0) mag'lub etdi. "Barselona"da o'zini ko'rsata olmayotgan Koutino dubl qayd etdi, uchinchi golga Everton mualliflik qildi.

Guruhning qolgan ikki vakili Venesuela hamda Peru o'rtasidagi bahsda hisob ochilmadi. Jamoalar murosa ko'chasini tanlashdi. Shunga qaramasdan jamoalar darvoza tomon 5tadan aniq zarba berishdi, biroq posbonlar o'z vazifasini alo darajada bajarishdi.

Guruh jadvali

"B" guruhi

Ushbu guruhdagi ilk o'yinda kutilmagan natija qayd etildi. Turnir favoritlaridan biri Argentina terma jamoasi Kolumbiyaga 0:2 hisobida taslim bo'ldi. Avvaliga jarohat olgan Luis Murel o'rniga maydonga tushgan Rojer Martines hisobni ochdi, 86-daqiqada "Atalanta" to'purari Duvan Sapata farqni 2taga etkazdi. Shu kuni Messi, Aguero, Di Mariya kabi yulduzlarga ega jamoaning o'yini umuman qovushmadi. Argentina terma jamoasi bosh murabbiyi Lionel Skaloni yarim himoyachilarga jiddiyroq etiroz bildirmasa bo'lmaydi, chunki bu bahsda ular ko'rinmay qolishdi.

Paragvay - Qatar uchrashuvida Osiyo sharafini himoya qilayotgan jamoa qita chempionidek o'yin ko'rsata oldi. Paragvay birinchi va ikkinchi bo'lim boshlarida gol urib, hisobni 2:0 ko'rinishiga keltirdi. Qatarliklarning kambekini BAAdagi Osiyo Kubogi yulduzlaridan biri Alomez Ali boshlab berdi. 68-daqiqada hisob qisqartirildi, 9-daqiqadan so'ng Osiyo jamoasining portugaliyada tug'ilgan futbolchisi Roro (Rodrigo Roxas) hisobni tenglashtirdi. Shu tariqa uchrashuv 2:2 hisobida yakuniga etdi.

Guruh jadvali

"C" guruhi

Ushbu kvartetdagi ilk bahsda Urugvay Ekvador bilan bellashdi. Uchrashuv kutilganidek Kopa Amerikada g'olib bo'lish bo'yicha rekordchilar ustunligida o'tdi. Minaning avtogoli, Lodeyro, Kavani hamda Suareslarning aniq zarbalaridan so'ng o'yin 4:0 hisobida yakuniga etdi. Urugvay turnirda chempion bo'lishga asosiy davogarlardan biri ekanligini ko'rsatib qo'ydi.

Yaponiya - Chili uchrashuvida har ikkala tomon o'ta xavfli hujumlar tashkil qildi, biroq faqat bitta jamoa bu imkoniyatlardan unumli foydalandi. Pulgar, Vargas (dubl) va Sanchesning gollari o'yin 4:0 hisobida chililiklarning g'alabasi bilan yakunlanishini taminladi. Kun chiqar yurt vakillari bir necha marta gol urishga yaqin kelishgan edi, ammo so'nggi zarbadagi xatoliklar Yaponiyaga qimmatga tushdi.

Guruh jadvali

Raqamlar

Birinchi turning 6ta uchrashuvida 17ta gol urildi, demak, har bir bahsga o'rtacha 2,83ta gol to'g'ri keladi. To'purarlar poygasida ikki etakchi qolganlardan ajralib olishgan.

To'purarlar

1. Filippe Koutino - 2ta gol

1. Eduardo Vargas - 2ta gol

Qoidabuzarlik bo'yicha Kasemiro turnir etakchisi bo'lib turibdi. U Boliviyaga qarshi bahsda 6 marta qoidani buzdi. Keyingi o'rinlar Leonel Xustinano (Boliviya - 4ta) va Perdo Migellarga (Qatar - 4ta) tegishli.

Birinchi tur uchrashuvlarida 23ta sariq kartochka va 2ta qizil kartochka ko'rsatildi. Chetlatilganlar Xose Kintero (Ekvador) va Luis del Pino (Venesuela).

Kopa Amerika. Yakunlangan 1-tur haqida