"O'yinni juda yaxshi boshladik va o'z o'yinimizni namoyish etayotgandik. Keyin esa qizil kartochka oldik. Chetlatishdan so'ng biz uchun o'yin tugadi desak bo'ladi. Jamoam o'yinidan qoniqmadim, to'g'risi. So'nggi vaqt ichida biz namoyish etgan eng yomon ikkinchi taym bo'ldi. Nima bo'lganda ham biz yo'llanmani qo'lga kiritdik. Bu ayollar futboli uchun katta natija" - deya fikr bildirdi Kotrina Kulbite uchrashuvdan so'ng.

- Osiyo chempionatiga bir yildan kamroq vaqt qolmoqda. Musobaqaga tayyorgarlik ko'rish qachondan boshlanadi? Mintaqadagi eng yirik musobaqaga qanday qilib to'g'ri tayyorgarlik ko'rmoqchisizlar?

- Bu haqda rahbariyat bilan gaplashdik. Bugun esa, tarixiy natijani nishonlashimiz kerak. Hissiyotlarga boy kun bo'ldi. Mart oyiga qadar rasmiy va norasmiy yig'inlar o'tkazamiz. O'rtoqlik uchrashuvlarida va kichik musobaqalarda ishtirok etamiz. Mahalliy liga noyabr oyida yakunlanadi. Shu sabab, mart oyiga qadar to'g'ri reja tuzib chiqishimiz talab etiladi. O'FA bizga etarlicha imkoniyatlar taqdim etadi degan umiddaman.

Kotrina Kulbite: "Nima bo'lganda ham biz yo'llanmani qo'lga kiritdik"