MFL
Milliy futbol ligasi 26-turida Vagiz Galiulin harakat qiladigan "Nefteximik" klubi ayni paytda "SKA-Xabarovsk" mehmoni bo'lmoqda. Mazkur uchrashuv natijasi haqida keyinroq xabar beramiz.
Shuningdek, MFLdagi yana bir hamyurtimiz, hujumchi Husayn Norchaev harakat qiladigan "Alaniya" jamoasi safarda "Veles" bilan bahs olib boradi. Bahs Toshkent vaqti bilan 16:00 ga belgilangan.
RPL
Yarim himoyachi Hojimat Erkinov harakat qiladigan "Torpedo" Rossiya Premer-ligasi 22-turi doirasida "Fakel"ga qarshi bahs yuritadi. Bahs 16:00 da start oladi.
A Seriya
O'zbekiston terma jamoasi sardori Eldor Shomurodovning "Speciya" jamoasi Italiya A Seriyasi 29-turida "Fiorentina" maydoniga safar uyushtiradi. Uchrashuv 17:30 da boshlanishi rejalashtirilgan.
BAA Pro ligasi
"Shabab Al Ahli" BAA chempionati 22-turida o'z maydonida "Al Bataeh"ni qabul qiladi. Aziz G'aniev jamoasi ayni paytda liga peshqadami bo'lib turibdi. Raqib esa 12-o'ringa joylashgan. Jamoalar o'rtasidagi bahs 23:00 da boshlanadi.
Izohlar