Uning oilasidagilarining bayonotiga ko'ra, Shekspir o'z oilasi bag'rida jon bergan.

"Oila uning nafaqat futbolchilik, balki, murabbiylikdagi yutuqlari bilan ham faxrlanadi. U nafaqat sevimli dada, balki, o'g'illari, rafiqasi, aka-ukalari uchun eng sevimli inson bo'lib qoladi.

Bu biz uchun og'ir zarba bo'ldi. Iltimos, shunday qiyin davrda bizni ko'p ham bezovta qilmang, biz avvalo o'zimizga kelib olishimiz, biz uchun eng muhim insonning o'rnini tiklay olishimiz kerak", - deyiladi Shekspirning oilasi bayonotida.

2023 yilning oktyabr oyida Shekspirda onkologik kasallik aniqlangandi.

Shekspir "Lester" APL chempioni bo'lgan 2015/16 yilgi mavsumda Klaudio Ranerining yordamchisi bo'lgan. 2017 yili fevralida aynan undan bosh murabbiylikni qabul qilib olgandi. Oktyabr oyida esa u istefoga chiqarilgandi.

Faoliyati davomida Shekspir Vest Bromvich, Xall Siti, Everton, Uotford, Aston Villa va Norvich, shuningdek, 2016 yili Angliya termasida yordamchi murabbiy ham bo'lgan.

Shekspirning so'nggi ish joyi "Lester" bo'lgan va unda Din Smitga yordam bergandi.

"Lester"ning sobiq bosh murabbiyi vafot etdi