Унинг оиласидагиларининг баёнотига кўра, Шекспир ўз оиласи бағрида жон берган.

"Оила унинг нафақат футболчилик, балки, мураббийликдаги ютуқлари билан ҳам фахрланади. У нафақат севимли дада, балки, ўғиллари, рафиқаси, ака-укалари учун энг севимли инсон бўлиб қолади.

Бу биз учун оғир зарба бўлди. Илтимос, шундай қийин даврда бизни кўп ҳам безовта қилманг, биз аввало ўзимизга келиб олишимиз, биз учун энг муҳим инсоннинг ўрнини тиклай олишимиз керак", - дейилади Шекспирнинг оиласи баёнотида.

2023 йилнинг октябрь ойида Шекспирда онкологик касаллик аниқланганди.

Шекспир "Лестер" АПЛ чемпиони бўлган 2015/16 йилги мавсумда Клаудио Раньерининг ёрдамчиси бўлган. 2017 йили февралида айнан ундан бош мураббийликни қабул қилиб олганди. Октябрь ойида эса у истеъфога чиқарилганди.

Фаолияти давомида Шекспир «Вест Бромвич», «Халл Сити», «Эвертон», «Уотфорд», «Астон Вилла» ва «Норвич», шунингдек, 2016 йили Англия термасида ёрдамчи мураббий ҳам бўлган.

Шекспирнинг сўнгги иш жойи "Лестер" бўлган ва унда Дин Смитга ёрдам берганди.

"Лестер"нинг собиқ бош мураббийи вафот этди