Bu yo'lda komissarlar uchun birinchi davra yakunlariga bag'ishlangan hamda yangi qaydnomani to'ldirish bo'yicha seminar tashkil etildi. Seminarda birinchi davra davomida kuzatilgan holatlar muhokama etilib, komissar vazifalari xalqaro tajribadagi misollar bilan ko'rib chiqildi. Yig'ilishning ikkinchi qismida esa yangi qurilmalar asosida elektron qaydnoma to'ldirish jarayoni tushuntirib o'tildi. Endilikda Superliga 14-tur bellashuvlari startiga qadar komissarlar o'zlari ishlagan birinchi davra uchrashuvlari qaydnomasini yangi uslubda to'ldirishga harakat qilib boradi.

Bungacha start list tayyorlash va keyinchalik qaydnomani imzolashgacha bo'lgan vaqt 30-40 daqiqani tashkil qilgan bo'lsa, endilikda yangi turdagi licenziyalar yordamida "MyLeague" platformasi orqali qaydnoma onlayn to'ldiriladi. Murabbiy, komissar va hatto hakamlar ham o'z licenziyasi orqasi onlayn imzo chekish imkoniyatiga ega bo'ladi.

Shu yilning yanvar oyidan boshlab futbol klublariga mikrochipli licenziyalar taqdim etilgan bo'lib, ularda futbolchi haqida kerakli malumotlar o'z aksini topgan. Endilikda komissar o'yin oldidan start list va uchrashuv yakunlangach qaydnomani xuddi shu mikrochipli licenziyalar yordamida bir necha daqiqa ichidagina to'ldiradi va imzolaydi. Dunyoning etakchi ligalari musobaqani boshqarishning shu kabi onlayn tizimi (Competition Management System)dan foydalanmoqda. O'zPFL hamkorlik qilayotgan "MyLeague" onlayn tizimi mikrochipli licenziyalardan foydalanadigan dastlabki zamonaviy platformalardan biriga aylandi.

Liga komissarlari elektron qaydnoma tartibiga o'tish bo'yicha seminarda ishtirok etdi