"Nasaf" jamoasi uchrashuv davomida raqib darvozasini 3 bor ishg'ol qildi. "Ajdarlar"ning gollaridan biriga braziliyalik hujumchi Lima Kruz mualliflik qildi. O'yindan so'ng uning fikrlari bilan qiziqdik.

- O'yin haqidagi fikrlaringiz?

- Qiyin o'yin bo'ldi. Hozir oson o'yin yo'q. Biz g'alaba qozondik. Biz oxirigacha kurashamiz va chempionlik uchun kurashni so'ngi turgacha davom ettiramiz. Hattoki 1 foiz imkoniyat qolsa ham to'xtamaymiz. Biz uchtadan ko'proq gol ura olar edik. O'yin vaqtida ko'p xatolarga yo'l qo'ymoqdamiz. Kamchiliklarimizni to'g'irlashimiz kerak.

- Keyingi uchrashuv Osiyo chempionlar ligasi doirasida bo'ladi. "Nasaf"dan nima kutsak bo'ladi?

- Bir narsani oldindan ayta olaman. O'yin oson bo'lmaydi. Biz raqib haqida ko'p malumotga egamasmiz. Shunga qaramay o'zimizni eng yaxshi tomondan ko'rsatishimiz kerak. Sababi biz o'yda o'ynaymiz. Muxlislar oldida ajoyib o'yin namoyish etishga harakat qilamiz.

- Jamoadagi argentinalik hujumchi Chavez bilan raqobat qanday kechyapti?

- Xar bir hujumchi gol urishga harakat qiladi. Chavez bilan bo'layotgan raqobat jamoa uchun foydaga ishlashi kerak. Men ham faqat ko'proq gol urish va "Nasaf"ga ko'proq foyda keltirishni asosiy maqsadim, deb bilaman.

Lima Kruz: "Chempionlik uchun 1 foiz imkoniyat bo'lsa ham to'xtamaymiz"