"Насаф" жамоаси учрашув давомида рақиб дарвозасини 3 бор ишғол қилди. "Аждарлар"нинг голларидан бирига бразилиялик ҳужумчи Лима Круз муаллифлик қилди. Ўйиндан сўнг унинг фикрлари билан қизиқдик.

- Ўйин ҳақидаги фикрларингиз?

- Қийин ўйин бўлди. Ҳозир осон ўйин йўқ. Биз ғалаба қозондик. Биз охиригача курашамиз ва чемпионлик учун курашни сўнги тургача давом эттирамиз. Ҳаттоки 1 фоиз имконият қолса ҳам тўхтамаймиз. Биз учтадан кўпроқ гол ура олар эдик. Ўйин вақтида кўп хатоларга йўл қўймоқдамиз. Камчиликларимизни тўғирлашимиз керак.

- Кейинги учрашув Осиё чемпионлар лигаси доирасида бўлади. "Насаф"дан нима кутсак бўлади?

- Бир нарсани олдиндан айта оламан. Ўйин осон бўлмайди. Биз рақиб ҳақида кўп маълумотга эгамасмиз. Шунга қарамай ўзимизни энг яхши томондан кўрсатишимиз керак. Сабаби биз ўйда ўйнаймиз. Мухлислар олдида ажойиб ўйин намойиш этишга ҳаракат қиламиз.

- Жамоадаги аргентиналик ҳужумчи Чавез билан рақобат қандай кечяпти?

- Хар бир ҳужумчи гол уришга ҳаракат қилади. Чавез билан бўлаётган рақобат жамоа учун фойдага ишлаши керак. Мен ҳам фақат кўпроқ гол уриш ва "Насаф"га кўпроқ фойда келтиришни асосий мақсадим, деб биламан.

Лима Круз: "Чемпионлик учун 1 фоиз имконият бўлса ҳам тўхтамаймиз"