"Liverpul" PSV futbolchisiga ko'z tikdi

Sherzod Nurmatov
25 mar 2023
Niderlandiyaning PSV klubi yarim himoyachisi Ibragim Sangarega Angliya Premer-ligasida talab katta.

"90 min" xabariga ko'ra, "Liverpul" futbolchini safiga qo'shib olmoqchi. 

"Liverpul"ning Sangare uchun kurashdagi asosiy raqobatchisi Franciyaning PSJ jamoasi hisoblanadi. Liga 1 chempioni Ibragimni  yozgi transfer oynasida sotib olishni rejalashtirgan.

25 yoshli ivuarlik futbolchi joriy mavsum Eredivizida 23 ta o'yinda maydonga tushib, 4 ta gol urdi va 1 ta golli pas uzatdi.

Ibragimning PSV bilan shartnomasi 2027 yilning yoziga qadar mo'ljallangan. Futbolchining transfer narxi 35 million evroga baholangan.


Sherzod NurmatovMaqola muallifi
Muqova: 90 min

Izohlar