Shu munosabat bilan klub bugun yangi mavsum oldidan yangi futbolchilarni tanishtirish marosimini o'tkazdi. Unda klub sport direktori Ravshan Muqimov, bosh murabbiy Grigoriy Kolosovskiy, bosh menejer Sardor Akramov va jamoaga qishki transferlar oynasida kelib qo'shilgan yangi futbolchilar ishtirok etdi. Unda dastlab "temiryo'lchilar" rahbariyatidan Ravshan Muqimov so'zga chiqib jamoaning tayyorgarligi haqida gapirdi. Tadbir yaknuida yangi futbolchilarga futbolkalar topshirildi.
Sardor Akramov ("Lokomotiv" bosh menejeri) - Barchani hayit bayrami bilan tabriklayman. Bugungi yig'ilishimizdan sabab jamoaning yangi mavsumdagi maqsadlari, yangi futbolchilarni tanishtirishdan iboratdir. Bilasiz, klubimiz bu yilni Pro ligada o'tkazadi. Oldimizga mavsumni muvaffaqiyatli o'tkazib Superligaga qaytish vazifasi qo'yilgan. Bu yo'lda hammamiz bitta jamoa bo'lamiz.
Ravshan Muqimov ("Lokomotiv" sport direktori) - Klub nomidan kirib kelayotgan Ramazon hayiti bilan tabriklayman. Xabaringiz bor, o'tgan yili klubimiz uchun qiyin bo'ldi. Jamoamiz yana Pro ligaga tushib ketdi. Malum, mavsum tugashiga 3-4 ta tur qolganida Grigoriy Kolosovskiyni chaqirdik. Nima bo'lganda ham hamkorlikni davom ettirishga qaror qildik. Dastur bo'yicha ish ketmoqda. Yanvar oyida jamlandik, fevral oyida yig'in o'tkazdik. Maqsadimiz o'z mavqeimizni ushlab turish va terma jamoalarga futbolchi etkazib berish. Oxirgi payt bunda to'xtab qoldik. Hozirda hammasi reja asosida ketmoqda. Pro ligada ishtirok etishimiz aniq bo'lgach murabbiy aytgan futbolchilarni 95 foizini oldik.
Grigoriy Kolosovskiy ("Lokomotiv" bosh murabbiyi) - Klub rahbariyati oldimizga konkret vazifani qo'ygan, maqsadimiz aniq. Superligaga qaytishimiz kerak. Qog'ozda favorit hisoblanamiz. Lekin buni amalda isbotlashimiz kerak bo'ladi. Hozir bizga qarshi istalgan jamoa kurash taqdim qiladi. Yanvar oyida o'z qarorgohimizda, fevral oyida Turkiyada bir nechta nazorat uchrashuvlarida maydonga tushdik. Raqiblar orasida "Sherif", Qozog'iston terma jamoasi ham bor edi. Bitta muammo bor juda kam gol urmoqdamiz. Gol urmasdan g'alaba qozonib bo'lmaydi. Faqat qog'ozda emas, maydonda ko'rsatishimiz lozim.
Yangi futbolchilar bilan tanishing:
#1 Rahim Davronov
#24 Davron Hoshimov
#31 Hosrov Xananov
#4 Momchilo Rasho
#6 Ibrohim Yo'loshev
#11 Akaki Shulaya
#9 Levan Arveladze
#99 Nikola Popovich
#29 Vladimir Kozak
#23 Diyorjon Turopov
#28 Farruxbek Muxtorov
#2 Boburjon Asqarov
#19 Sayiddin Mavlonov
#17 Muhriddin Zoirov
Izohlar