“Bazi futbolchilarning individual xatolari sabab birinchi bo'limda ikkita gol o'tkazib yubordik. Futbolchilarimning o'yinga bo'lgan munosabatidan ko'nglim to'lmadi.

O'tgan safar takidlaganimdek, mavsum oldi tayyorgarlikni ko'ngildagidek o'tkaza olmaganligimiz, yangi futbolchilarning jamoaga kirishib ketishi ham sekin kechmoqda. Bundan tashqari, ayrim futbolchilarning ishga bo'lgan munosabatini o'zgartirishimiz kerak. Qolaversa, himoya chizig'idagi futbolchilarimizda jarohatlar mavjud. Bu ham o'z tasirini o'tkazmoqda. Maqsadimiz, o'tgan yilgi natijani yaxshilash.

“Navbahor” mavsumni ko'tarinki ruhda boshladi. Bunda jamoa uy uchrashuvlarini o'tkazganligini ham inobatga olish zarur. “Paxtakor” ikki o'yinda imkoniyatni boy berdi, ammo bu mavsumning boshi. Shunga qaramay, men bo'lajak bahsda namanganliklarning imkoniyatini yuqori baholayman”, – dedi mutaxassis.

Luisma Ernandes: Futbolchilarning o'yinga bo'lgan munosabatidan ko'nglim to'lmadi