"Birinchi navbatda muxlislarni va klub rahbariyatini tabriklayman. Bu g'alabaga juda katta mehnat qildik. Mazkur yutuq bilan yana bir bor barchani qutlayman. O'yinga keladigan bo'lsak, jiddiy tayyorgarlik ko'rgan edik. Avvalgi o'yinlarimizdagi xatolarimizdan to'g'ri xulosa chiqargan holda hozirlik ko'rgandik. Keyingi o'yinlarga tayyorlanishda davom etamiz. Taktik, ruhiy tomonlama ham ish olib boramiz. Chunki avvalgi uchrashuvlarda aynan hissiyotlarni jilovlay olmagandik",- deydi Luisma Ernandes.

- G'alabasiz seriya uzoqqa cho'zilganiga nima sabab, deb o'ylaysiz?

- Mag'lubiyatlarni sababini aytadigan bo'lsam, deylik o'tgan mavsumni olganda oxirgi o'yinlarda yaxshi natija ko'rsata olmagandik. Chempionatdagi holatimiz yaxshi bo'lganligi uchun "Lokomotiv" bilan bahsda yoshlarga imkoniyat bergandim. Bu yilgi mavsumga keladigan bo'lsak, "Neftchi", "Navbahor"ni qanday jamoa ekanligi hamma biladi. Biz mehnat qilishda davom etamiz.

- Keyingi turda "Paxtakor" bilan o'yin haqida...

- Albatta "Paxtakor" amaldagi chempion. Ular g'alaba uchun harakat qiladi. Shunga qaramay raqibga etarlicha va munosibqarshilik ko'rsatamiz, degan umiddaman.

Luisma Ernandes: "Keyingi turda "Paxtakor"ga munosib qarshilik ko'rsatamiz, degan umiddaman"