- Bu erga g'alaba uchun kelgandik, ammo ushbu 3 ochko bizdan ko'ra "Lokomotiv"ga ko'proq kerak ekanligi o'yin davomida ko'rindi. Ularda g'alabaga bo'lgan xohish ko'proq edi. Bugun g'alaba qozonib, uni Bekobod ahliga taqdim etishni istagandik, afsuski raqibni taslim qila olmadik. Shunga qaramasdan yil davomida qilingan mehnatdan ko'nglim to'ldi. "Lokomotiv"ni g'alaba bilan tabriklayman, biroz tanaffusdan so'ng yangi mavsumga tayyorgarlikni boshlaymiz.

- Bu o'yinda futbolchilarda g'alaba uchun motivaciya uyg'otish qiyin bo'ldimi, chunki bu uch ochko "Metallurg"ga hech narsa bermas edi.

- Yil davomida o'zimiz tanlagan yo'lda mehnat qilishda davom etdik. Ikkinchi davradagi darajamizni iloji boricha saqlashga urindik. "Navbahor" bilan bahsda ham oxirigacha kurashdik, ammo mag'lubiyatga uchradik. "Lokomotiv" bilan o'yinda raqib g'alabani ko'proq xohladi, bu har bir to'p uchun kurashda ko'rindi. Ular bugun kuchliroq edi.

- Mavsum boshida murabbiyga qanday vazifa qo'yilgandi, bu bajarildimi?

- Joriy mavum jamoani avvalgi yilgiga nisbatan "tinchroq" joyda ushlab turishga harakat qildik. Lekin chempionat bu yil juda qiziq va kuchli o'tdi. Jamoada qolishim yoki ketishimga to'xtaladigan bo'lsak, kelasi mavsum ham reja bo'yicha ishlashda davom etamiz.

- Qolishni reja qilgan ekansiz, o'zbek tilini o'rganyapsizmi?

- Albatta, bu tilni mukammal o'rganishni xohlayman. Hozircha kasbim uchun kerakli bo'lgan so'zlardan foydalanyapman.

- Mavzudan tashqari savol bersam xafa bo'lmaysizmi? Bu yil Ispaniya jahon chempioni bo'ladimi?

- Xudo xohlasa. Qatardagi jahon chempionati yaxshi o'tadi deb umid qilaman. Yaxshi futbol tarafdoriman. O'zbekiston terma jamoasi ham jahon chempionatiga chiqishi uchun borimizni berib ishlashda davom etamiz - deydi Luisma Ernandes.

Luisma Ernandes: "O'zbek tilini mukammal o'rganishni xohlayman"