- Birinchi bo'lim biz istagandek o'tmadi. Shunda ham dastlabki 15 daqiqalik menga yoqdi. O'yin boshida nimalarni kelishgan bo'lsak, bular o'xshadi desak bo'ladi. Shundan keyin biroz ortda o'ynadik. Ko'rinib turgandiki, futbolchilarda bosim bor edi. Tribunada katta sonli muxlislar kelishgandi va ularning oldida futbolchilar hayajonlanishdi. Tanaffusda ayrim jihatlarni to'g'riladik. Keyin jamoa umuman boshqacha o'ynadi. Futbolchilarning oldiga gol urish asosiy vazifa sifatida qo'yildi va ishlar boshqacha ko'rinish oldi. Ikkinchi bo'lim uchun shogirdlarimni tabrikladim. Chunki ular tezlik qo'sha olishdi, to'pni tezroq harakatlantirishdi. Ikkinchi bo'limda barcha ishlarimiz o'xshadi. Afsuski maydon bunday holatda bo'lishini kutmagandik, chunki bir oy davomida bu erda bo'lmadik. Ko'proq kombinacion o'yin ko'rsatishni istagandik, lekin bu har doim ham o'xshamadi.

- G'alaba bilan tabriklayman. Yangi va eski futbolchilar bir-birini yaxshi tushunyaptimi?

- Bugungi o'yin uchun barchadan mamnunman. Bugun yangi futbolchilardan 5 kishi asosiy tarkibda maydonga tushdi. Ayrim yangi futbolchilar yaqindagina jamoaga keldi. Barcha futbolchilarning darajasi yaxshi. Bugun o'zaro tushunishda muammo bo'lmadi. O'yindan-o'yinga barchasini yaxshilab boraveramiz.

- Shahzod Azmiddinovning jarohati bo'yicha: u qanday holatda?

- Uning holati yaxshi, jarohati yo'q. U "Paxtakor"dan keldi, mashg'ulot jarayoni u erda boshqacha. Shu sababli u boshqacha tayyorgarlikda bu erga keldi, shuningdek, u uzoq vaqt yoshlar jamoasi tarkibida bo'ldi. Yosh yigitlar oldida katta kuch bilan shug'ullanish juda qiyin. Aytganimdek, o'yindan-o'yinga barchasi o'zgarib boradi. Sunnatillo Hamidjonovda ham shunday holat. U juda ko'p mashg'ulotlarni o'tkazib yubordi. Ismoil Akinadeda katta pauza bo'ldi, shu sababli bungacha individual ishladi. Ularning barchasi sekinlik bilan qo'shib boradi. OCHLga optimal holatda boramiz.

- Darvozabonning bugungi o'yini haqida nima deya olasiz?

- U bugun juda zo'r o'ynadi. Epizodlardagi o'yin shunchaki zo'r.

- Bektemir Abdumannonov va Doniyor Abdumannopovni poziciyalarini almashtirib o'ynatsa bo'ladimi? Chunki Abdumannopov chap qanotda yaxshiroq o'ynardi.

- Albatta. Bu qarorni o'zlari chiqarishlari ham mumkin. Biz bu borada cheklov qo'ymayapmiz. Agarda raqib himoyachisi biror futbolchiga ko'nika olsa, albatta, almashishlari mumkin. Bu esa raqib himoyachilari uchun juda qiyinchilik tug'diradi. Bu ularning qarori. Ularga bu borada buyruq ham berish shart emas.

Maksim Shackix: "OCHLga optimal holatda boramiz"