- Биринчи бўлим биз истагандек ўтмади. Шунда ҳам дастлабки 15 дақиқалик менга ёқди. Ўйин бошида нималарни келишган бўлсак, булар ўхшади десак бўлади. Шундан кейин бироз ортда ўйнадик. Кўриниб тургандики, футболчиларда босим бор эди. Трибунада катта сонли мухлислар келишганди ва уларнинг олдида футболчилар ҳаяжонланишди. Танаффусда айрим жиҳатларни тўғриладик. Кейин жамоа умуман бошқача ўйнади. Футболчиларнинг олдига гол уриш асосий вазифа сифатида қўйилди ва ишлар бошқача кўриниш олди. Иккинчи бўлим учун шогирдларимни табрикладим. Чунки улар тезлик қўша олишди, тўпни тезроқ ҳаракатлантиришди. Иккинчи бўлимда барча ишларимиз ўхшади. Афсуски майдон бундай ҳолатда бўлишини кутмагандик, чунки бир ой давомида бу ерда бўлмадик. Кўпроқ комбинацион ўйин кўрсатишни истагандик, лекин бу ҳар доим ҳам ўхшамади.

- Ғалаба билан табриклайман. Янги ва эски футболчилар бир-бирини яхши тушуняптими?

- Бугунги ўйин учун барчадан мамнунман. Бугун янги футболчилардан 5 киши асосий таркибда майдонга тушди. Айрим янги футболчилар яқиндагина жамоага келди. Барча футболчиларнинг даражаси яхши. Бугун ўзаро тушунишда муаммо бўлмади. Ўйиндан-ўйинга барчасини яхшилаб бораверамиз.

- Шаҳзод Азмиддиновнинг жароҳати бўйича: у қандай ҳолатда?

- Унинг ҳолати яхши, жароҳати йўқ. У "Пахтакор"дан келди, машғулот жараёни у ерда бошқача. Шу сабабли у бошқача тайёргарликда бу ерга келди, шунингдек, у узоқ вақт ёшлар жамоаси таркибида бўлди. Ёш йигитлар олдида катта куч билан шуғулланиш жуда қийин. Айтганимдек, ўйиндан-ўйинга барчаси ўзгариб боради. Суннатилло Ҳамиджоновда ҳам шундай ҳолат. У жуда кўп машғулотларни ўтказиб юборди. Исмоил Акинадеда катта пауза бўлди, шу сабабли бунгача индивидуал ишлади. Уларнинг барчаси секинлик билан қўшиб боради. ОЧЛга оптимал ҳолатда борамиз.

- Дарвозабоннинг бугунги ўйини ҳақида нима дея оласиз?

- У бугун жуда зўр ўйнади. Эпизодлардаги ўйин шунчаки зўр.

- Бектемир Абдуманнонов ва Дониёр Абдуманноповни позицияларини алмаштириб ўйнатса бўладими? Чунки Абдуманнопов чап қанотда яхшироқ ўйнарди.

- Албатта. Бу қарорни ўзлари чиқаришлари ҳам мумкин. Биз бу борада чеклов қўймаяпмиз. Агарда рақиб ҳимоячиси бирор футболчига кўника олса, албатта, алмашишлари мумкин. Бу эса рақиб ҳимоячилари учун жуда қийинчилик туғдиради. Бу уларнинг қарори. Уларга бу борада буйруқ ҳам бериш шарт эмас.

Максим Шацких: "ОЧЛга оптимал ҳолатда борамиз"