Bugun Farg'ona viloyat derbisida maydonga tushdik. Ketma-ket uchrashuvlarda mag'lubiyatga uchraganimiz bois, bugungi uchrashuvda g'alaba qozonishimiz shart edi, afsus yana mag'lubiyatga uchradik. Umuman vaziyatni tushunish qiyin bo'lyapti, o'yinimiz yaxshi, lekin mag'lubiyatga uchrayapmiz.

Uchrashuvni ko'rib guvohi bo'ldinglar, ustunlik biz tomonda bo'ldi. Uchrashuv davomida ko'plab vaziyatlarga ega bo'ldik, lekin foydalana olmadik. Birinchi bo'limda xatto bo'sh qolgan darvozaga ham to'p kirita olmadik. Futbolda yozilmagan qonun bor, sen urmasang, senga urishadi. Bugun mana shu "oltin qoida" o'z ifodasini topdi. Nima ham derdik, bizda yana 3 ta uchrashuv qoldi. Nasib etsa mana shu uchrashuvlarda g'alaba qozonib, muxlislarni xursand qilamiz degan umiddaman. Yozyovonlik muxlislarga rahmat aytaman, ular har doim va har qanday vaziyatda bizni qo'llab-quvvatlab kelishgan - deydi Mamurbek Qosimov.

Bekzod Tolibov yozib oldi.

Mamurjon Qosimov: "Sen urmasang, senga urishadi"