Bular o'z ligalarining amaldagi chempionlari: “Bunyodkor”, “Oloy” O'sh va “Ravshan” Kulob. Bu uch klub bugungacha jami 6ta o'yinga mezbonlik qildi. Mintaqamizdagi yana bir o'yin 2-saralash raundida bo'lib o'tgandi. O'shanda Chempionlar ligasi bahsida “Lokomotiv” “Al-Quvayt”ni qabul qilgandi.

Biz ushbu klublarning uy uchrashuvlariga qita kuboklari doirasida qanchadan tomoshabin tushayotganiga qiziqdik. Natijada, biz quyidagi raqamlarga duch keldik.

2 fevral. Saralash raundi. “Ravshan” Kulob – “Al-Yarmuk” Yaman 2:1. Tursunzoda shahri “Metallurg” stadioni. 5000 tomoshabin

9 fevral. 2-saralash raundi. “Lokomotiv” Toshkent – “Al-Quvayt” 1:3. “Paxtakor” markaziy stadioni. 5000 tomoshabin

26 fevral. 1-tur. “Oloy” O'sh – “Riffa” Bahrayn 0:0. O'sh shahri “Suyumboev” stadioni. 10275 tomoshabin

11 mart. 2-tur. “Bunyodkor” Toshkent – “Al-Jaish” Qatar 1:2. “Paxtakor” markaziy stadioni. 3600 tomoshabin

12 mart. 2-tur. “Ravshan” Kulob – “Safa” Livan 1:2. Tursunzoda shahri “Metallurg” stadioni. 7000 tomoshabin

18 mart. 3-tur. “Ravshan” Kulob – “Tat Ras” Iordaniya 2:3. Tursunzoda shahri “Metallurg” stadioni. 4000 tomoshabin

19 mart. 3-tur. “Bunyodkor” Toshkent – “Fulad” Eron 1:1. “Paxtakor” markaziy stadioni. 1950 tomoshabin

Hozircha mintaqamizda eng ko'p ishqiboz kirgan o'yin “Oloy” – “Riffa” bellashuvi bo'lib turibdi. O'zbekistonlik komissar Olim Arifov boshchiligida o'tgan bu uchrashuvga 10275 nafar muxlis tushgan. Eng kam ishqiboz esa “Bunyodkor”ning “Fulad” bilan o'yiniga kelgan – atigi 1950 nafar.

OFK kubogining “Ravshan” – “Safa” bahsiga 7000 muxlis tashrif buyurgandi. Etiborga molik fakt: OFK kubogi-2014da bugungacha jami (saralash bosqichi bilan) 51ta uchrashuv o'tkazilgan bo'lsa, “Oloy” va “Ravshan”larning tomoshabinlar bo'yicha ko'rsatkichlari hozirda 2- va 5-o'rinlarda. “Persipura Jayapura” (Indoneziya) jamoasining uy uchrashuvlariga 1-turda 9000 va 3-turda 9866, “Arema Kronus” (Indoneziya) klubining 2-tur o'yiniga 29130 nafar muxlis tushgan. OFK kubogining qolgan hech bir o'yiniga hali 7 mingdan ortiq ishqiboz kirmadi.

Markaziy Osiyoda qita kuboklariga bu yilgi qiziqish