Ko'plab muxlislarning iltimoslariga binoan, “Navbahor” klubi o'z uy uchrashuvlarini o'tkazadigan Namangan shahridagi “Markaziy” o'yingoh hududida Namangan viloyat hokimi, viloyat futbol associaciyasi prezidenti Xayrullo Hayitbaevich Bozarov, Namangan shahar hokimi, “Navbahor” PFK prezidenti Shavkat Shokirjanovich Abdurazzaqov, shuningdek, “Navbahor” PFK rahbariyati tomonidan namozxonlarga qulaylik yaratish maqsadida namozgoh tashkil etiladi.

Endi “lochinlar” o'z maydonlarida o'yin o'tkazadigan kunlari uchrashuvlarning tanaffusi paytida muxlislar bemalol o'z ibodatlarini bajarishlari mumkin bo'ladi.

Mazkur namozgoh 700 nafar kishiga mo'ljallangan.

“Navbahor” PFK rahbariyati O'FA va PFL talablaridan kelib chiqqan holda, muxlislarga qulaylik yaratish maqsadida ko'plab ishlarni amalga oshirishni rejalashtirgan. Namozgoh tashkil etish ham shunday qulayliklardan biridir.

Ushbu xayrli ishga homiylik qilib, savob olishni istaganlar quyidagi telefon raqamlariga murojaat qilishlari mumkin: +99897 – 231 – 27 – 72, +99893 – 949 – 27 – 72. Jamolxon Bahodirov so'raladi.

Namangandagi “Markaziy” stadionda namozgoh tashkil etiladi