Кўплаб мухлисларнинг илтимосларига биноан, “Навбаҳор” клуби ўз уй учрашувларини ўтказадиган Наманган шаҳридаги “Марказий” ўйингоҳ ҳудудида Наманган вилоят ҳокими, вилоят футбол ассоциацияси президенти Хайрулло Ҳайитбаевич Бозаров, Наманган шаҳар ҳокими, “Навбаҳор” ПФК президенти Шавкат Шокиржанович Абдураззақов, шунингдек, “Навбаҳор” ПФК раҳбарияти томонидан намозхонларга қулайлик яратиш мақсадида намозгоҳ ташкил этилади.

Энди “лочинлар” ўз майдонларида ўйин ўтказадиган кунлари учрашувларнинг танаффуси пайтида мухлислар бемалол ўз ибодатларини бажаришлари мумкин бўлади.

Мазкур намозгоҳ 700 нафар кишига мўлжалланган.

“Навбаҳор” ПФК раҳбарияти ЎФА ва ПФЛ талабларидан келиб чиққан ҳолда, мухлисларга қулайлик яратиш мақсадида кўплаб ишларни амалга оширишни режалаштирган. Намозгоҳ ташкил этиш ҳам шундай қулайликлардан биридир.

Ушбу хайрли ишга ҳомийлик қилиб, савоб олишни истаганлар қуйидаги телефон рақамларига мурожаат қилишлари мумкин: +99897 – 231 – 27 – 72, +99893 – 949 – 27 – 72. Жамолхон Баҳодиров сўралади.

Намангандаги “Марказий” стадионда намозгоҳ ташкил этилади