Niderlandiya - AQSH

Jahon chempionati pley-off o'yinlarini Niderlandiya va AQSH terma jamoalari ochib beradi. Ikki jamoalar ham guruh bosqichini mag'lubiyatsiz o'tkazishdi, ammo "olovranglar"da amerikaliklarga qaraganda bitta g'alaba ko'proq. Ha, Evropa jamoasining mavqei ham yuqoriroq, ushbu jamoa uch bor JCH finalida o'ynagan. Ammo, barchasini boy bergan.

Lui van Gal to'dasidan hali yorqin o'yin ko'rmadik, ammo bu jamoaga guruhda birinchi o'rinni olib pley-off bosqichiga yo'l olishga halal bermadi. Eng yorqin taassurot - Kodi Gakponing o'yini. PSV vingeri mavsumning ajoyib starti (barcha musobaqalarda 24ta o'yinda 13ta gol va 17ta assist)dan so'ng terma jamoada ham porlamoqda: JCHdagi uch o'yinda uch gol. Navbat Qatarda hali biror marta o'yindan to'p o'tkazmagan AQSH terma jamoasiga.

Mudofaadagi ishonchli g'alabaga qaramasdan, amerikaliklar qiyinchilik bilan 1/8 finalga chiqishdi. Uelsliklar bilan o'yinda g'alabali hisobni saqlab qolishning uddasidan chiqilmadi, Angliyaga qarshi o'yinda esa g'alaba ham bo'lishi mumkin edi (Kristian Pulishichning zarbasi to'singa tekkanini eslaysizmi?). Shtatlar yagona g'alabani so'nggi turda Eron (1:0)ga qarshi o'yinda rasmiylashtirishdi.

Niderlandiya va AQSH o'rtasidagi oldingi barcha o'yinlar o'rtoqlik maqomida bo'lgan - ilk rasmiy o'yin birdan jahon chempionati pley-offida sodir bo'ldi. G'olib chorak finalda Argentina - Avstraliya juftligi bilan to'qnash keladi.

Argentina - Avstraliya

Saudiya Arabistonidan uchralgan sensacion mag'lubiyatdan so'ng Argentina baribir o'ziga keldi va oldingi JCHdan farqli ravishda guruhda birinchi o'rinni egalladi. O'shanda janubiy amerikaliklar turnir g'oliblari bo'lmish francuzlarga yutqazishgandi. Skaloni to'dasi bugun D guruhining ikkinchi jamoasi bo'lmish Avstraliya bilan uchrashadi.

"Sokkeruz" uchun turnir allaqachon muvaffaqiyatli o'tdi. Avstraliya terma jamoasi tarixda ikkinchi bor jahon chempionati pley-offiga chiqdi. Grem Arnold jamoasi guruhda Tunis (1:0)ni yutdi va Evro-2020 yarim finalchisi bo'lmish Daniya (1:0)dan kuchlilik qildi. Avstraliyalik futbolchilar katta ehtimol bilan Franciya (1:4)ga qarshi o'yindagi yirik mag'lubiyatdan xafa emaslar. Ular uyda allaqachon qahramonlardir, sababi so'nggi (va ilk) bor Avstraliya JCHda 1/8 finalga Gus Xiddink boshchiligida bundan 16 yil oldin chiqqandi. O'shanda avstraliyaliklar Italiya (0:1)ga minimal hisobda yutqazishgan.

Bu Argentina uchun yaxshi belgi. Agar ular g'alabaga erishsalar, albatta.

Chorak final

Ushbu juftliklar g'oliblar 1/4 finalda 9 dekabr kuni uchrashishadi. O'yinni turnirdagi eng katta stadion bo'lmish 90 ming muxlisga mo'ljallangan "Lusail"da bo'lib o'tadi.

Alisher Ostonov tarjimasi

Messi Argentinani chorak finalga olib chiqishga va AQSH JCHda yangi sensaciya qilishga qodirmi? Kunning asosiy intrigalari