Toshkentda amaldagi chempion va bu yilgi mavsum karvonboshisi “Lokomotiv”ga 1:3 hisobida imkoniyatni boy bergan bekobodliklar davrani 9-o'rinda yakunlashdi. “Metallurg” 15 ta uchrashuvning 6 tasida g'alaba qozondi, 2 ta o'yinda durang o'ynadi, 7 ta uchrashuvda esa imkoniyatni boy berdi. Kiritilgan va o'tkazib yuborilgan to'plar nisbati 20:19.

Jamoaning mazkur natijasiga futbolchilar qanday ulush qo'shishdi. Keyingi yillardagidek, bu mavsumda ham jamoa sardori Hikmat Hoshimov boshqalarga o'rnak bo'lmoqda. U birinchi davraning barcha 15 ta uchrashuvida maydonda to'liq harakat qildi. Himoyachilarimizdan Mirg'iyos Sulaymonov ham 15 ta o'yinda maydonga tushdi, biroq bitta o'yinda u bir taym o'ynaganligi bois umumiy ko'rsatkichda jamoa sardoridan ortda qolayapti. Yana ikki nafar futbolchimiz 14 tadan o'yinda maydonga chiqishgan. Bular jamoa to'purari Zohid Abdullaev va qanot yarim himoyachisi Sanjar Qodirqulovlardir. Ularning mahorati borasidagi farqni ham maydonda bo'lgan daqiqalaridan bilib olish mumkin.

Bu yilgi mavsumda ham to'purarlar borasida Zohid Abdullaev etakchilik qilayapti. U raqiblari darvozasiga 5 ta gol urgan. Yana bir yo'la besh nafar futbolchimiz hisobida 2 tadan gol bor.

Birinchi davradagi natijalarning to'liq ko'rinishini quyidagi taqvimdan bilib olishingiz mumkin:

Ismi sharifi	O'yin	Daqiqa	Gol	Sariq	Qizil
Hikmat Hoshimov	15	1350
Mirg'iyos Sulaymonov	15	1305		3
Zohid Abdullaev	14	1260	5	4
Sanjar Qodirqulov	14	589	1	1
Jahongir Abdumo'minov	13	1137	2	2
Islombek Isoqjonov	13	993		1
Ayubxon No'monov	13	777	2	1
Davronbek Karimqulov	12	949		2
Murodjon Toshmatov	12	939	1	1
Islomjon Qobilov	11	736	2	1+1	1
Doniyor Odilov	11	640	1	2
Dilmurod Karimov	10	630	2	1
Suhrobjon Sultonov	9	810		1
Alisher Ziyovuddinov	9	679	2	1
Doniyor Ismoilov	8	221
Timur Usmonov	7	175
Zafar Safaev	6	540
Dostonbek Tursunov	6	396	1	2
Vusol Magerramov	4	277
Muhammadodil Qahramonov	3	42
Abror Toshqo'ziev	1	90

"Metallurg" matbuot xizmati

“Metallurg”: birinchi davra sarhisobi