Тошкентда амалдаги чемпион ва бу йилги мавсум карвонбошиси “Локомотив”га 1:3 ҳисобида имкониятни бой берган бекободликлар даврани 9-ўринда якунлашди. “Металлург” 15 та учрашувнинг 6 тасида ғалаба қозонди, 2 та ўйинда дуранг ўйнади, 7 та учрашувда эса имкониятни бой берди. Киритилган ва ўтказиб юборилган тўплар нисбати 20:19.

Жамоанинг мазкур натижасига футболчилар қандай улуш қўшишди. Кейинги йиллардагидек, бу мавсумда ҳам жамоа сардори Ҳикмат Ҳошимов бошқаларга ўрнак бўлмоқда. У биринчи давранинг барча 15 та учрашувида майдонда тўлиқ ҳаракат қилди. Ҳимоячиларимиздан Мирғиёс Сулаймонов ҳам 15 та ўйинда майдонга тушди, бироқ битта ўйинда у бир тайм ўйнаганлиги боис умумий кўрсаткичда жамоа сардоридан ортда қолаяпти. Яна икки нафар футболчимиз 14 тадан ўйинда майдонга чиқишган. Булар жамоа тўпурари Зоҳид Абдуллаев ва қанот ярим ҳимоячиси Санжар Қодирқуловлардир. Уларнинг маҳорати борасидаги фарқни ҳам майдонда бўлган дақиқаларидан билиб олиш мумкин.

Бу йилги мавсумда ҳам тўпурарлар борасида Зоҳид Абдуллаев етакчилик қилаяпти. У рақиблари дарвозасига 5 та гол урган. Яна бир йўла беш нафар футболчимиз ҳисобида 2 тадан гол бор.

Биринчи даврадаги натижаларнинг тўлиқ кўринишини қуйидаги тақвимдан билиб олишингиз мумкин:

Исми шарифи	Ўйин	Дақиқа	Гол	Сариқ	Қизил
Ҳикмат Ҳошимов	15	1350
Мирғиёс Сулаймонов	15	1305		3
Зоҳид Абдуллаев	14	1260	5	4
Санжар Қодирқулов	14	589	1	1
Жаҳонгир Абдумўминов	13	1137	2	2
Исломбек Исоқжонов	13	993		1
Аюбхон Нўъмонов	13	777	2	1
Давронбек Каримқулов	12	949		2
Муроджон Тошматов	12	939	1	1
Исломжон Қобилов	11	736	2	1+1	1
Дониёр Одилов	11	640	1	2
Дилмурод Каримов	10	630	2	1
Суҳробжон Султонов	9	810		1
Алишер Зиёвуддинов	9	679	2	1
Дониёр Исмоилов	8	221
Тимур Усмонов	7	175
Зафар Сафаев	6	540
Достонбек Турсунов	6	396	1	2
Вусол Магеррамов	4	277
Муҳаммадодил Қаҳрамонов	3	42
Аброр Тошқўзиев	1	90

"Металлург" матбуот хизмати

“Металлург”: биринчи давра сарҳисоби