Бугунги кундан "Нефтчи" - "Локомотив", "Олимпик" - "Динамо" учрашувлари ўрин олган. Эртага ва 7 май куни ҳам бир қатор қизиқарли ўйинлар кутмоқда. Мана шу беллашувлар олдидан собиқ футболчи Жаҳонгир Жиямуродов фикр ва тахминлари билан ўртоқлашди.

- Дарҳақиқат, Яйпанда қизиқарли ўйин бўлади. Бу ўйинда яққол фаворит йўқ. "Нефтчи" ўзига керакли очколарни бой бермоқда. Шу боис бор кучини ташлайди, очко зарур.Акс ҳолда янада қийин ҳолатга тушиб қолиши ҳеч гапмас. "Локомотив" аввалгидек совринли ўринларга курашадиган жамоа ҳисобланмайди. Илҳом Мўминжонов қўл остида яхши таркиб бор. Тахминимча, "Нефтчи" 2:1 ҳисобида ғалаба қозониши мумкин.

- Тимур Кападзе ёш футболчилардан яхши жамоа шакллантирган. Бу жамоанинг футболчиларида иштиёқ ва хоҳиш кучли. Майдонда бир-бирини яхши қўллаб-қувватламоқда. "Динамо"нинг ўйинларини кузата туриб, ўйин услуби борлигини кўряпман. Фақат класс етишмаяпти. Фикримча, "Олимпик" кичик 1:0 ҳисобида мавсумдаги иккинчи уч очкосига эга чиқади.

- Самвел Бабаян қайси жамоада ишламасин фақат совринли ўринлар учун курашган. Ўша "Пахтакор"да пул йўқ пайтда ҳам барқарор ушлаб тура олган ва чемпион қилган. Бугунги "Навбаҳор"да ҳар томонлама яхши футболчилар йиғилган. Устунлик мезбонларда. Бунга таркиб+мухлисларни сабаб сифатида келтириш мумкин. Ишқибозлар жамоани олдинга чорлаши, ҳужум қилишга мажбур қилиши табиий. Тахмин: "Навбаҳор" 2:1 ёки 3:1 ҳисобида зафар қучади.

- "Қизилқум" бу мавсум чиройли ўйин кўрсатмоқда. Терма жамоада ўйнаган футболчиларнинг тажрибаси барибир ўз сўзини айтмоқда. Натижалардан маълумки, жамоа олдига юқори мақсадлар қўйилган. Шу боис ҳар бир ўйинга финалдек муносабатда бўлишмоқда. "Металлург"нинг ўйинида катта ўзгариш, янгилик йўқ. Қайтанга Андрей Шипилов даврида ўйин имзоси бор эди. Мазкур ўйинда навоийликларнинг имкониятини юқори баҳолайман.

- Термиз шаҳри клуби ҳали ғалаба нималигини билгани йўқ. Жамоада янги мураббийлар штаби ишламоқда. Улар учун кўп нарса янги. "Қўқон-1912" эса аллақачон Суперлигада ўрнини топиб олган. Яхши мураббийлар фаолият олиб бормоқда. Икки томоннинг имкониятларидан келиб чиқиб дуранг бўлиши эҳтимоли бор.

- "Сўғдиёна"нинг ўйинларини кўрдим. Аввалгига қараганда анча томошабоп футбол намойиш қиляпти, дея оламан. Улуғбек Бақоев шогирдлари турнир жадвалида ўз жойини сақлаб қолиш учун ҳам ҳаракат қилади. АГМК аниқ ўйин фалсафасига эга жамоа. Клубда ғолиблик руҳи мавжуд. Мезбонлар бу баҳсда кичик ҳисобда уч очкога эга чиқади.

- 7-турнинг энг марказий ўйинларидан бири. "Насаф" зўр спорт формасида. ОЧЛдаги муваффақиятли юришини Суперлигада давом эттириб Қўқондан ғалаба билан қайтишди. Иштиёқ жуда баланд. Ушбу тўқнашувда ғолиб номи аниқланмаса керак. Олдиндаги учрашувларда барча жамоаларга омад тилайман. Ўйлайманки, томошабоп футбол кўрамиз.

Мутахассислар фикри, факт, статистика ва фикрлар қуйидаги ҳаволада >>>>>>>> ФАКТЛАР

"Металлург"да катта ўзгариш йўқ. "Нефтчи"га ғалаба зарур. Акс ҳолда...". Суперлига 7-тури олдидан мутахассис фикри