"Қатар айни пайтда кучли жамоага айланиб бўлган. Таркибда кучли футзалчилар бор. Қатар жуда яхши ўйнади. Кеча ҳам айтгандим, бу жамоада кучли мураббийлар штаби бор. Шу боис бугунги натижа ўйинга яраша бўлди деб ўйлайман", - дейди Мигел Родриго.

- Бугунги ўйинда жамоаингизнинг қайси жиҳати ёқди?

- Ҳимоя бўлиши мумкин. Ҳимояда тартибли ўйнадик ва рақибга ҳужум қилиш имконини деярли бермадик. Рақибда 2та гол уриш учун имконият юзага келди. Японияда маҳоратли ва тезкор футзалчилар бор. Лекин буган етакчиларимизнинг ўйинидан қониқиш ҳосил қилмадик. Улар ўз даражаларида ўйнай олишмади.

- Қайси шогирдингизни ўйини сизга кўпроқ ёқди?

- Дарвозабон. Иккита вазиятда жамоамизни голдан қутқарди. Жамоанинг ўйинидан эса қониқмадим.

- Япония терма жамоаси айнан бугунги кунда мусобақага 100 фоизга тайёрми? Ёки жамоа мусобақа давомида янада кучайиб борадими?

- Албатта ўйинимизни ошириб боришимиз керак. Ҳимояланишда 80 фоиз, ҳужум қилишда 30 фоиз потенциалимизни ишга солдик деб ўйлайман.

- Биз билган олдинги Япония терма жамоасини кўрмадик...

- Кечаги матбуот анжуманида айтиб ўтгандим жамоаларнинг савияси ўсган. Қатарда кучли мураббийлар штаби бор. Бугунги кунда яхши футзалчилардан ташқари кучли мураббийлар штаби ҳам керак. Бугун биз ўртача, Қатар фантастик ўйнади дейиш мумкин.

Нарзулла Сайдуллаев

Мигел Родриго: "Япония ўртача, Қатар фантастик ўйнади"