Ineos kimyo kompaniyasi egasi Jim Retkliff "Manchester Yunayted" klubini sotib olishga nomzodlardan biri ekanligini tasdiqladi. Biznesmenning so'zlariga ko'ra, ular allaqachon rasman ushbu jarayonni boshlashgan.

Hozirda "Man Yunayted"ni sotib olishga nomzod bo'lgan xaridorlar o'z takliflari bilan rasman bank orqali ro'yxatdan o'tkazishlari kerak. Retkliff bu ishni birinchi bo'lib amalga oshirgan.

Keyingi oy rasman klubning sotilishi bo'yicha savdolar boshlanadi. Gleyzerlar oilasi esa MYUning sotuvidan taxminan 5 mlrd funt ishlab olishmoqchi.

Malumot uchun, MYUga Qatar va Saudiya Arabistonidan ham takliflar bo'lmoqda. Dekabr oyida Avram Gleyzer Doha shahrida bo'lajak xaridorlar bilan norasmiy uchrashuvlar o'tkazib qaytgandi.

Jim Retkliff boshchilik qilayotgan Ineos kompaniyasi allaqachon "Nicca" klubini ham sotib olgan. MYU bilan bog'liq savdolar muvaffaqiyat bilan yakunlansa, francuz klubining taqdiri so'roq ostida qo'ladi. Sababi, bitta evrokuboklarda o'ynaydigan jamoalar bir insonga tegishli bo'lishi mumkin emas.

Forbes Jim Retkliffning umumiy boyligini taxminan 16,3 mlrd evroga baholagan.

Milliarder Retkliff MYUni sotib olish istagida ekanligini tasdiqladi. Muzokaralar keyingi oy boshlanadi