Mazkur uchrashuv oldidan chernogoriyalik mutaxassis Miodrag Radulovich fikrlarini bildirdi.

"Menimcha, O'zbekiston bugungi o'yinda o'z ishini oxirigacha etikazadi va to'g'ridan-to'g'ri Jahon chempionatiga yo'llanmani qo'lga kiritadi. Saralash bosqichida ular yaxshi ishtirok etishdi. Shaxsan mening fikrimcha, O'zbekiston BAAdan yaxshiroq jamoa va ular g'alaba qozonishga qodir deb umid qilaman.

BAA terma jamoasi yaqinda bosh murabbiyini almashtirdi - bu esa jamoaga malum darajada yangi ruh va energiya olib kiradi. Yangi murabbiy - rumin mutaxassisi, u BAAda ancha vaqtdan beri faoliyat yuritadi, mahalliy ligani va futbolchilarni yaxshi biladi. Lekin barcha omillarni inobatga olgan holda ayta olamanki, hozirgi vaqtda O'zbekiston kuchliroq jamoa va menimcha, bugun g'alabani aynan ular nishonlaydi.

Ishonamanki, qolgan ikki uchrashuvda ham O'zbekiston yaxshi o'yin namoyish etadi, kerakli natijani qo'lga kiritadi va futbolni sevuvchi, uni yaxshi tushunadigan sadoqatli muxlislari bilan birgalikda jahon chempionatiga to'g'ridan-to'g'ri yo'llanmani munosib nishonlaydi. Men buni ularga butun qalbimdan tilayman

O'zbekistondagi do'stlarim va barcha futbol ishqibozlariga katta salom yo'llayman. Qolgan ikki uchrashuvda ulkan omad tilayman - to'g'ridan-to'g'ri jahon chempionatiga yo'llanmani qo'lga kiriting va futboldan zavq oling. O'zbek futbolining bunga to'liq haqqi bor", - deydi Miodrag Radulovich.

Miodrag Radulovich: “O'ylaymanki, bugun O'zbekiston to'g'ridan-to'g'ri Jahon chempionati yo'llanmasini hal qiladi”