Mirjalol Qosimov: "Avvalambor Assalomu alaykum! Juda ham muhim o'yin bizni kutmoqda. O'tgan o'yinda mag'lub bo'lganimiz tufayli ham "Shabab Al Ahli" bilan bo'ladigan ikki bahs hal qiluvchi ahamiyatga ega. O'ylaymanki, "Shabab Al Ahli" ham shu fikrda. Raqib ham o'tgan tur mag'lub bo'ldi va har ikkala jamoa endilikda faqat g'alaba uchun kurashadi. Guruhimizda bo'sh jamoaning o'zi yo'q va oson o'yinlar ham yo'q. Har bir bahs muhim ahamiyatga ega. Bo'lajak uchrashuvga tayyormiz. Futbol shunday o'yin va unda g'alaba bilan mag'lubiyat yonma-yon yuradi. O'tgan o'yindagi xatolarimiz xususida xulosalar qilindi, futbolchilar bilan gaplashib oldik. "Shabab Al Ahli" bilan o'yinda xatolarni yo'qqa chiqarishga harakat qilamiz. Yaxshi va chiroyli o'ynab, imkon qadar ko'proq vaziyatlar sodir etishga urinamiz"

- "Shabab Al Ahli" bilan AGMK guruhda bir xil vaziyatda va ochkolar bo'yicha ham tenglik. Guruhda sizlar 3-o'rin, raqib esa 4-pog'onada. Bu jihat ertangi o'yinga qay darajada tasir qiladi?
- Har ikkala jamoa bir xil holatda. Dastlab durang o'ynadik va o'tgan turda mag'lubiyatga uchradik. Shu boisdan ham avval takidlaganimdek qatorasiga ikkita o'yin har ikkala jamoa uchun hal qiluvchi bo'ladi. Bu to'qnashuv kimnidir imkoniyatlarini oshirsa, kim uchundir imkoniyatlarni yopadi. Shu taraflama ham mazkur o'yinlar yanada qiziq bo'ladi.

- Mag'lubiyat bo'lajak o'yinlarda o'z tasirini ko'rsatadimi?
- Bu yaxshi tarafga ham yoki yomon tomonlama ham tasir qilishi mumkin. Xatolardan xulosa chiqargan holda bo'lajak o'yinga tayyorgarlik ko'ryapmiz. Xato va kamchiliklarni bartaraf etib, ertangi bahsda muvaffaqiyat qozonishga harakat qilamiz. Boshqa yo'l yo'q. Maqsad muxlislarimizni xursand qilish.

Sanjar Tursunov: "Ertangi o'yinda faqat g'alaba uchun chiqamiz. Hozirgi vaziyat shuni taqozo etadi. O'zimizning xatoimiz tufayli guruhda shunday vaziyatga tushib qoldik. Shu bois faqat g'alabani qo'lga kiritishga bor kuchimizni sarflaymiz. Murabbiyimizning gaplariga qo'shilaman, o'tgan o'yindagi mag'lubiyat yaxshi tomonlama ham yoki aksincha tarafga ham tasir etishi mumkin. Ertangi bahs juda ham qiziqarli bo'ladi. Bizga ham, raqibga ham yutuq kerak. Har ikkalla tomon bir hil holatda. Shunisi aniqki, bo'lajak bahsda faqat g'alaba uchun kurashamiz".

Mirjalol Qosimov: "Shabab Al Ahli" bilan bo'ladigan o'yinlar hal qiluvchi to'qnashuv"