Xo'sh, yakunlangan mavsum jamoa etakchi azosi Mirzohid G'ofurovda qanday taassurot qoldirdi. Futbolchi bilan bog'lanib, uning fikrlari bilan qiziqdik.

"Yakunlangan mavsum haqida gapirsak, shaxsan chempionat bahslari oldingi mavsumlarga qaraganda boshqacha o'tdi. Aytaylik, men ham mavsumni o'zim uchun yangi jamoada boshlaganim bilan aytsa bo'ladi. Shuningdek, hamma guvoh bo'ldiki, mavsumni intrigasi so'nggi turlarga qadar saqlanib turdi. Nafaqat chempionlik uchun ham va quyi ligaga tushib ketmaslikka ham kurash qizg'in davom etdi.

Jamoamiz mavsumni yuqori o'rinlarning birida tugatishni istagandi. Aytaylik, maqsadlarga yarasha tayyorgarlik olib borilgan edi. Selekciya ishlari ham yaxshi bo'lgandi. Nazarimda bu yilgi yig'ilgan yangi jamoaga ko'prrq omad etishmadi. Lekin bu futbol kimdir yutadi va kimdir yutqazadi.

Men biror-bir bahsni og'ir va engil o'yinlar toifasiga ajratmagan bo'lardim. Chunki nafaqat bizda balki umumiy chempionatimizni har bir uyini murosasiz va kurashlarga boy o'tdi deb o'ylayman.

"Neftchi"dagi kelajagim? To'g'risi, oldimda takliflar bor, buni yashirmayman. Lekin keyingi faoliyatimni qaerda davom ettirishim to'g'risidagi qarorni oila azolarim bilan maslahatlashib, keyin bir to'xtamga kelaman", - deya so'zlarini yakunladi G'ofurov.

Mirzohid G'ofurov: "Mavsum avvalgilariga qaraganda qiziqarli o'tdi"