Хўш, якунланган мавсум жамоа етакчи аъзоси Мирзоҳид Ғофуровда қандай таассурот қолдирди. Футболчи билан боғланиб, унинг фикрлари билан қизиқдик.

"Якунланган мавсум ҳақида гапирсак, шахсан чемпионат баҳслари олдинги мавсумларга қараганда бошқача ўтди. Айтайлик, мен ҳам мавсумни ўзим учун янги жамоада бошлаганим билан айтса бўлади. Шунингдек, ҳамма гувоҳ бўлдики, мавсумни интригаси сўнгги турларга қадар сақланиб турди. Нафақат чемпионлик учун ҳам ва қуйи лигага тушиб кетмасликка ҳам кураш қизғин давом этди.

Жамоамиз мавсумни юқори ўринларнинг бирида тугатишни истаганди. Айтайлик, мақсадларга яраша тайёргарлик олиб борилган эди. Селекция ишлари ҳам яхши бўлганди. Назаримда бу йилги йиғилган янги жамоага кўпррқ омад етишмади. Лекин бу футбол кимдир ютади ва кимдир ютқазади.

Мен бирор-бир баҳсни оғир ва енгил ўйинлар тоифасига ажратмаган бўлардим. Чунки нафақат бизда балки умумий чемпионатимизни ҳар бир уйини муросасиз ва курашларга бой ўтди деб ўйлайман.

"Нефтчи"даги келажагим? Тўғриси, олдимда таклифлар бор, буни яширмайман. Лекин кейинги фаолиятимни қаерда давом эттиришим тўғрисидаги қарорни оила аъзоларим билан маслаҳатлашиб, кейин бир тўхтамга келаман", - дея сўзларини якунлади Ғофуров.

Мирзоҳид Ғофуров: "Мавсум аввалгиларига қараганда қизиқарли ўтди"