Posbon saytimizga qisqa intervyu berdi.

- "Turon"ni tajribali Bahrom Hakimov boshqarmoqda. U qanday inson ekan?
- Bahrom aka Hakimov juda tajribali murabbiy. Juda ko'p jamoalarda ishlagan. O'z vaqtida "Nasaf"ni qanday jamoa qilganini barcha yaxshi biladi. Mana shunday murabbiy bilan birga nasib qilganidan xursandman. Hakimov juda og'ir-bosiq murabbiy. Har bir mashg'ulot men uchun 10 marta erga tayanib turishdan (otjimaniya) boshlanadi. Xatolarimni ko'rsatib berayaptilar va ular ustida ishlayapman.

- Jamoa haqida qanday fikrdasiz?
- "Turon"ga keladigan bo'lsak jamoa juda ahil va Shohruh Xolmatov, Ahror Umarjonov kabi tajribali o'yinchilar bor. Sharoitlarga keladigan bo'lsak juda yaxshi. Klub xo'jayinlari juda yaxshi insonlar ekan. Ular futbolchilarga barcha sharoitni qilib berishmoqda.

- "Turon"ning maqsadi qanday?
- Klubning bu yilgi mavsumdagi maqsadi "B" PRO-ligada munosib o'rinlarni egallash va "A" PRO-ligaga chiqish. Kelajakda esa Superligaga chiqish maqsad qilib qo'yilgan.

Muhriddin Ahmedov: "Turon" yaqin yillarda Superligaga chiqmoqchi"