O'yin haqida

- Bugun o'yinda g'alaba qozonishni xohlagandik. Jamoaviy o'yin namoyish etyapmiz. Bundan keyingi bahslarda ham zafarli yurishni davom ettirishga harakat qilamiz.

- Birinchi bo'limda biroz sustkashlikka yo'l qo'ydinglar, buning sababi nimada?

- Dastlabki golni urgancha biroz qiynaldik. Raqib ham g'alaba uchun maydonga tushdi. Gol urganimizdan so'ng barchasi osonlashib ketdi.

- Hakam o'yinni qanday boshqardi? Masalan, raqib futbolchisiga qizil kartochka ko'rsatilgan vaziyat...

- Hakam haqqoniy ravishda futbolchini chetlatdi, chunki u hakamni ikki-uch marotaba haqorat qildi. Hakam bir gal kechirdi, biroq keyingisida indamay turolmadi.

- Bugungi g'alaba omad evaziga qo'lga kiritildimi?

- O'yindan avval g'alaba qozonishni rejalashtirgandik. Boshliqlar ham faqat g'olib kelish lozimligini takidlagandi. Xudoga shukur, bir jamoa bo'lib, muvaffaqiyatga erishdik.

- "Sho'rtan"dan boshqa jamoa safida to'p tepish rejangiz bormi?

- Yaxshi takliflar bo'lsa, boshqa jamoada o'ynash niyatim bor. Biroq hali bu haqda hech narsa deya olmayman.

Muhriddin Zoirov: "Yaxshi takliflar bo'lsa, boshqa jamoada o'ynash niyatim bor"