"Jahon chempionatiga jiddiy tayyorgarlik olib bordik. Etaklicha munosib raqiblar bilan maydonga tushib imkoniyatlarimizni baholab oldik. Jahon chempionatida jamoalar imkoniyati teng. Barcha terma jamoalarni maqsadi bitta bo'ladi. Eng munosiblar esa keyingi bosqichga o'tib boradi" , - deydi darvozabon Hamroev.

- Birinchi marta bunday yuqori darajadagi turnirda ishtirok etmoqdasiz. Bu sizga ruhiy jihatdan bosim yuklamayapdimi ?

Albatta bunday turnirda ishtirok etayotganimdan juda ham mamnunman. Birinchi navbatda menga ishonch bildirayotgan murabbiylarimga, "Qizilqum" futbol klubiga minnatdorchilik bildiraman. Ular meni qo'llab turibdi va qanday darajadagi turnirga borayotganligimni anglab turibman. Hali bosim haqida o'ylab ko'rganim yo'q. Bosim bo'lishi albatta aniq lekin bundan chiqib ketish eng muhimi.

- Guruhdagi raqiblarni va raqib hujumchilarini qay darajada o'rgandingiz ?

Germaniya va Gonduras kuchli raqiblar. Ular bilan bir xil o'yin ko'rsatsak bo'ladi. Kuchimizga ishonamiz. Maydonga tushish oldidan imga qarshi o'ynashni ahamiyati yo'q. Fidji ham Germaniya ham bir xil saviyadagi raqiblardir. Portugaliya misolida Germaniya o'yinini tasavvur qilayapman. Imkoniyatlarimiz teng. Hammasi o'z qo'limizda.

- Terma jamoamizda Sarvar Karimov , Botirali Ergashev kabi darvozabonlar bor. Karimov jahon chempionatida o'ynash tajribasiga ega. Ergashev ham yaxshi saviyali darvozabonlardan biridir. Raqobat bu termamizni mudofasini kuchayishiga xizmat qiladi.

Shu fikrga qo'shilaman. Raqobat bor joyda o'sish bor. Murabbiy eng munosibini tanlaydi. G'alabalar men uchun birinchi darajada.

- Jahon chempionatidan nimalarni kutmoqdasiz ?

Har kimni o'z orzusi bo'ladi. O'zbekiston bayrog'i ostida maydonga tushish bu klub emas. Bunda futbolchi yuz marta kuchli bosim va nigox ostida bo'ladi. Bizga ishonganlarni ishonchini oqlash birinchi vazifam va oqlamoqchiman.

Mundial oldidan. Dilshod Hamroev: "Ishonganlarni ishonchini oqlamoqchiman"