- Qiyin o'yin bo'ldi. Ko'plab g'alabalarga erishganimizdan keyin mana necha o'yindirki, yuta olmayapmiz. Bugun ham biroz omad etishmadi. Yigitlar oxirigacha kurashishdi. Ikki jamoa uchun ham o'yin og'ir o'tdi, chunki ikki tomonga ham g'alaba kerak edi. Durang natija uchun ham shukur deyman.

- "Navbahor" bilan o'yindan keyin futbolchilaringiz bilan qay tariqa gaplashib oldingiz va bugungi o'yin oldidan qanday ko'rsatmalar berdingiz?

- Ruxiy tomondan juda qiyin. Chunki o'rtada bir necha o'yin yuta olmaganimizdan keyin yigitlar ham o'zlariga ishonmay qo'ygan. Hozir esa barcha futbolchilar birlashib, yaxshi o'yin ko'rsata oladi, deb o'ylayman. Xudo xohlasa, qadam va qadam oldinga harakatlanamiz va g'alabalarga erishamiz.

- Penalti borasida nima deysiz?

- Hakam bor, ularni nazorat qiladigan qo'mita ham ishlayapti. Penalti masalasini hakamlarning o'ziga topshiramiz. Biz esa o'zimiz haqida o'ylashimiz kerak. O'yin davomida ko'plab xatolarga yo'l qo'yyapmiz. Biz esa futbolchilarga ko'rsatmalar bera olamiz. Hakamlarga esa xech kim xatolarni to'g'rilashini aytib tura olmaydi. Shu sababli barcha savollarni ularning qo'mitasiga bersangiz bo'ladi.

- Bosh murabbiy sifatida Bekoboddagi bir ochkodan qoniqdingizmi?

- Shunday desak ham bo'ladi. Bugun ikki ochko yo'qotdik, deb bemalol ayta olaman.

Murod Otajonov: "Hakamlar borasidagi savollarni hakamlar qo'mitasiga beravering"