Unda mezbonlar ishonchli 2:0 hisobida g'alaba qozondi va joriy yil hisobidan dastlabki uch ochkoni qo'lga kiritdi. Bahsdagi birinchi golga maxoratli futbolchi Murodjon Toshmatov mualliflik qildi. Qaysidir manoda birinchi gol uchrashuv borishiga tasirini o'tkazdi. Biz esa bahs yakunida odatdagidek yarim himoyachining fikrlari bilan qiziqdik.

“Muxlislarga manzur keladigan o'yin bo'ldi deb o'ylayman. Boisi, ikki jamoa ham to'p bilan ko'proq muomala qilishga va hujumkor futbol ko'rsatishga intildi. Kurashlarga boy uchrashuv bo'ldi. Albatta, g'alaba qozongan bo'lsakda qiynaldik. Mashaqqatsiz biror narsaga erishib bo'lmaydi. Shuningdek, bunday o'yinlarda omad ham zarur. Ikkinchi gol o'yin taqdirini hal qildi. Yaratilgan vaziyatlardan foydalanganimizda hisob yirikroq ko'rinish olishi mumkin edi. Ammo, muhimi uch ochko. Bu yutuq o'zimizga bo'lgan ishonchni yanada oshirsa hech gap emas”, - deydi Toshmatov.

Abdulaziz Iskandarov yozib oldi

Murodjon Toshmatov: “Muxlislarga manzur keladigan o'yin bo'ldi”