Унда мезбонлар ишончли 2:0 ҳисобида ғалаба қозонди ва жорий йил ҳисобидан дастлабки уч очкони қўлга киритди. Баҳсдаги биринчи голга махоратли футболчи Муроджон Тошматов муаллифлик қилди. Қайсидир маънода биринчи гол учрашув боришига таъсирини ўтказди. Биз эса баҳс якунида одатдагидек ярим ҳимоячининг фикрлари билан қизиқдик.

“Мухлисларга манзур келадиган ўйин бўлди деб ўйлайман. Боиси, икки жамоа ҳам тўп билан кўпроқ муомала қилишга ва ҳужумкор футбол кўрсатишга интилди. Курашларга бой учрашув бўлди. Албатта, ғалаба қозонган бўлсакда қийналдик. Машаққатсиз бирор нарсага эришиб бўлмайди. Шунингдек, бундай ўйинларда омад ҳам зарур. Иккинчи гол ўйин тақдирини ҳал қилди. Яратилган вазиятлардан фойдаланганимизда ҳисоб йирикроқ кўриниш олиши мумкин эди. Аммо, муҳими уч очко. Бу ютуқ ўзимизга бўлган ишончни янада оширса ҳеч гап эмас”, - дейди Тошматов.

Абдулазиз Искандаров ёзиб олди

Муроджон Тошматов: “Мухлисларга манзур келадиган ўйин бўлди”