Бугун стадионга иложи борича кўпроқ ватанимиз байроқлари билан келинглар, стадионга ёғоч ушлагичли байроқлар билан кириш мумкин эмас, лекин оқ пластик ушлагиччи байроқларга рухсат бор.

Байроқ ҳажми 1х2 метр, пластик ушлагичи эса 120 сантиметрга рухсат бор. Ўйиндан 15 дақиқа олдин стадион суҳандони миллий терма жамоамиз футболчиларини таништириш жараёнида ҳам кичик янгилик киритилган, стадионга ташриф буюрган мухлислардан илтимос қиламиз: Суҳандон ҳар бир футболчини исм ва фамилиасини айтганидан сўнг барчамиз биргаликда Ўзбeкистон деб олқишлаймиз!

Рақиб жамоа футболчилари таништирилганда эса ўзбекона маданиятни сақлаган ҳолда қарсак чалиб туришингини илтимос қиламиз!

Тўғри, сир эмас ҳозирда стадион кассаларида фақатгина дарвоза орти ва ён тарафларидаги секторларга жой қолган холос, лекин ўйинга оз фурсат қолганида ўша виждонини пулга сотганлар чипталарни ўз нарҳида хаттоки арзонроққа ҳам сота бошлашади, азиз ватандошлар барчангизни “Пахтакор” Марказий стадионига таклиф этамиз. Барчамиз бир тану бир жон бўлиб миллий терма жамоамизни қўллаб-қувватлайлик, осмони мусаффо тинч юртимиз Ўзбекистон омад сенга ёр бўлсин!
Олға Ўзбeкистон!

Абдураҳмон Фозилов

Мухлислар клубининг мухлисларга мурожаати!