Qozonliklar kecha rasman Ashurmatov bilan 3,5 yillik shartnoma imzolanganini elon qilishdi.

“Rubin”ga o'tganimdagi ilk his-tuyg'ularim shunchaki super. Anchadan beri kuchli ligada o'ynashni orzu qilardim. Shu tufayli, “Rubin”ga kelganimdan juda xursandman. Yozda ular menga taklif bilan chiqishgandi, ammo klub bilan shartnomam bor edi, shuning uchun bu erga oldinroq kela olmadim. Hamyurtim Umarali Rahmonaliev ham bu erga kelganiga ko'p bo'lmadi, shu tufayli, albatta, bir-birimizga yordam beramiz. Umuman olganda hamma bilan yaxshi munosabatdaman.
Ajoyib tarzda kutib olishdi. Futbolchilar va murabbiylardan bunday munosabatni kutmagandim, juda yoqimli bo'ldi. Bu jamoada anchadan beri o'ynayotganga o'xshayman. Markaziy himoyachiman. O'ylashimcha, ular men shu poziciyada o'ynatishadi. Men uchun kuchli tomonlarim haqida gapirish qiyin. Bunga murabbiy va muxlislar baho berishsin”, deydi Ashurmatov.

Eslatib o'tamiz, Rossiyaning nomdor klubiga Yuriy Utkulbaev murabbiylik qilmoqda. "Rubin" ayni vaqt MFLda 37 ochko bilan 3-o'rinda bormoqda. Ular mavsumning ikkinchi qismidagi ilk rasmiy uchrashuvini 5-mart kuni safarda autsayderlar qatoridagi "Kuban"ga qarshi o'tkazadi.

Ashurmatov “Rubin”dagi ilk intervyusida: “Kuchli tomonlarimga murabbiy va muxlislar baho berishadi”