Bunga sabab shuki, g'uzorliklar o'tgan shanba kuni Muborakda “Mashal”ni mag'lub etdi. Garchi jamoada moliyaviy muammolar bo'lsada, “Sho'rtan”ning turnir jadvalida egallab turgani o'rnini qoniqarli baholash mumkin.

- “championat.asia” saytini kuzatib boraman. Lekin ramziy terma jamoadan o'rin olganimni sizdan eshitib turibman. Ochig'i, bu men uchun kutilmagan sovg'a bo'ldi. Chunki hayolimga ham keltirmagandim. Bunday rag'bat kishiga qo'shimcha kuch bag'ishlaydi. Nasib qilsa keyinchalik ham ramziy terma jamoaga kirishga xarakat qilamiz. Buning uchun jamoam bilan ijobiy natija qayd etishimiz kerak – deya gap boshladi Muxtor Murodovich.

- “Mashal” bilan o'tkazgan o'yinimizga keladigan bo'lsak, yigitlarning “Paxtakor” ustidan qozonilgan g'alabadan so'ng kayfiyati yuqori edi. O'zlariga bo'lgan ishonch ortdi. Muborakka faqat g'alaba uchun borgandik va yakunda maqsadimizga erishdik. O'yin boshida mezbonlar bizga tashabbusni berib qo'ydi deb o'ylayman. “Mashal” futbolchilari birinchi golni kiritganidan so'ng darvozamiz tomon penalti belgilandi. Temur Jo'raev 11 metrlik zarbani qaytarishga erishdi. Shundan keyin futbolchilarimning shashti yanada yuqori bo'ldi. Dastlabki bo'limda hisobni tenglashtirishga erishdik va tanaffusga durang bilan chiqib ketildi. Ikkinchi taymda esa endi “Sho'rtan” foydasiga penalti belgilandi. Bundan hujumchimiz Igor Taran aniq foydalanib, hisobda oldingi olib chiqdi. Garchi g'alaba qozongan bo'lsakda, qiyin o'yin bo'ldi deb hisoblayman.

- Moliyaviy muammolar? Bilasizmi hozir deyarli har bir jamoada bunday kamchiliklar bor. O'ylaymanki “Sho'rtan”da bu muammo yaqin orada bartaraf etiladi. Bugun jamoamiz mutasaddilari bilan uchrashdim. To'g'ri, bunday vaziyatda futbolchilarni uchrashuvga tayyorlash ham qiyin bo'lmoqda. Lekin shunga qaramay yigitlar har bir uchrashuvga ijobiy natija uchun chiqmoqda. Ularni klub bilan amalda shartnomasi bor. Har bir bahsda jon qoyitib o'ynamoqda. Buning uchun ularga rahmat aytish kerak.

Islombek Rustambekov suhbatlashdi.

Muxtor Qurbonov: “O'ylaymanki moliyaviy muammolar yaqin orada hal etiladi”