"Manchester Yunayted" - "Manchester Siti" uchrashuvi 29 oktyabr kuni 19:30da start oladi.

- Qaysi jamoalar bilan chempionlik uchun kurashasiz?

- Bu haqda gapirishga juda erta. Ayni damdma barcha kurashda. Ortda qolib ketganlar ham yuqoridagilarga etib olishlari mumkin. Qachonki jamoalar endigina 9 tur o'ynashgan bo'lishsa, oldinda ulardan ko'prog'ini kutishadi. O'tgan mavsumda fevral, mart oylarida ham biz ortda edik, biroq baribir chempionlikka erishdik.

- "Manchester Yunayted" chempionlik uchun kurashadimi?

- Qachonki, mavsum yakuniga 9 tur qolganida shu savolni berishingiz mumkin. Hali oldinda o'yinlar juda ko'p. Barchasi bo'lishi mumkin.

- "Yunayted" ustidan qozoniladigan g'alaba qanchalik muhim?

- "Old Trafford"da g'alaba qozonib, bizning mentalitetimiz to'g'ri ekanligini ko'rsatmoqchiman. Ko'p o'yinlarda g'alaba qildik. Gap bizning g'olib yoki mag'lub bo'lishimizda emas, shunchaki g'alaba qozonib, mentalitetimiz to'g'ri ekanligini namoyish qilishimiz kerak.

O'rtamizda sog'lom raqobat yuzaga kelgan. "Siti" bosh murabbiyligidagi sakkizinchi mavsumim, shu davr mobaynida katta muammolar, munozarali holatlarni engib o'tdik. MYUni yutdik, ular ham yutishdi. Albatta, o'tgan mavsumda ular bizning treblni qo'lga kiritishimiz uchun jiddiy halaqit qilmoqchi bo'lishdi, - dedi Gvardiola.

MYU chempionlik poygasidami? Gvardiola derbidan oldingi matbuot anjumanida nimalar dedi?