Манбанинг хабарига кўра, италияликлар 20 ёшли англиялик футболчини 2026 йил январь ойида сотиб олиш банди билан ижарага олиш ниятида.
Шунингдек, "Наполи" Майнуга "Манчестер Юнайтед"даги маоши — ҳафтасига тахминан 40 000 еврони тўлашга тайёр. Футболчининг ўзи инглиз клубини тарк этишни истайди. У 2026 йилги Жаҳон чемпионатида Англия терма жамоаси таркибига кириш имкониятига эга бўлиш учун кўпроқ ўйин вақтига эга бўлмоқчи.
Майну 2025/26 йилги мавсум 8 ўйинда 1 та голга ассистентлик қилди. Унинг шартномаси 2027 йил 30 июнгача амал қилади.
Transfermarkt унинг трансфер қийматини 45 миллион евро деб баҳоламоқда.
