Ушбу футбол байрамида вилоятимиздан ва қўшни вилоятдан 2004, 2005, 2006 ва 2007 йилда туғилган болалардан тузилган жами 36та жамоа иштирок этди.

Бундай байрамни ташкил этишдан асосий мақсад болалар учун хурсандчилик улашиш бўлса, яна бир мақсад ушбу болалардан футбол мактабига иқтидорли болаларни танлаб олишдир. Бу байрам кейинги йилларда “Насаф” ПФКда анъанага айланиб қолди.

Болалар учун ташкил этилган футбол байрамини тантанали очилишида “Насаф” ПФК раҳбарияти, вилоят футбол фахрийлари ва бошқа расмий кишилар ҳозир бўлишди.

Футбол мактабига ташриф буюрган жамоалар ўртасида мусобақа старт олди. Бу футбол байрамига мактабимиз ихтиёридаг барча футбол майдонлари хизмат кўрсатди. Учрашувларни вилоятимизда фаолият юритаётган ҳакамлар бошқариб боришди.

Учрашувларни ташкил этиш ва ўтказишда “Насаф” футбол мактаби директори ва мураббийлари бош қош бўлишди.

Қизиқарли ва ҳаяжонларга бой ўтган мусобақада ўринлар қуйидагича тақсимланди.
2004 йилда туғилганлар гуруҳи бўйича
1-ўрин. “Насаф” ФМ Қарши филиали
2-ўрин. “Насаф-2006” жамоаси

2005 йилда туғилганлар гуруҳи бўйича
1-ўрин. “Насаф” ФМ Жарқўрғон филиали
2-ўрин. “Насаф” ФМ Бешкент филиали

2006 йилда туғилганлар гуруҳи бўйича
1-ўрин. Қамаши БЎСМ тарбияланувчилари
2-ўрин. “Насаф-2008” жамоаси

2007 йилда туғилганлар гуруҳи бўйича
1-ўрин. “Насаф” ФМ Косон филиали
2-ўрин. “Насаф-2008” жамоаси

Мусобақа якунида ғолибларга кубок ва дипломлар ҳамда совғалар топширилди. Футбол байрамида қатнашган барча болалар тадбирни яхши кайфият билан тарк этишди.

“Насаф” футбол мактабида футбол байрами ташкил этилди