Eslatib o'tamiz bugun jamoani yaqinda qabul qilib olgan tunislik mutaxasis Nabil Manul maydonga olib tushdi.

Uchrashuv birinchi bo'limida o'rtadagi hisob ochilmadi. Yangi murabbiy shuningdek har doimgi tarkibda deyarli o'zgarish ham qilmadi, faqat o'tgan uchrashuvda xatosi tufayli jamoa darvozasiga kiritilgan golga “hammualliflik” qilgan 3-raqamdagi himoyachi Abdulla Ayesh yoyinki maydonga tushmadi, balki zahira o'yinchilar ro'yxatiga ham kiritilmadi.

Uchrashuvning ikkinchi bo'limi gollarga boy bo'ldi. o'yinning 48-daqiqasida “Al-Jayish”ning 10-raqamdagi franciyalik hujumchisi Kembo Ekoko uchrashuvdagi hisobni ochdi va o'z jamoasini hisobda oldinga olib chiqdi – 0:1. Oradan atigi bir daqiqa o'tib, mehmonlar hisobda ikkita gol bilan oldinga o'tib olishdi, “Al-Jayish”ning ikkinchi goliga har o'yinda maydonni golsiz tark etmaydigan 29-raqamdagi hujumchisi Muhammad Muntari muallif bo'ldi – 0:2.

55-daqiqaga kelib endi maydon egalari hisobni qisqartirishga erishdilar - 1:2. Ushbu goldan keyin “Al-Jayish” murabbiyi uchrashuvdagi hisobni qanday bo'lmasin saqlab qolish maqsadida maydonda harakat qilayotgan hujumchilarni o'rniga himoyachilarni maydonga tushirdi, Kembo Ekoko o'rniga himoyachi Rami Fayoz, braziliyalik hujumchi Vagner Ribero o'rniga esa himoyachi Muhammad Jabrilar maydonga tushirildi. Albatta jamoaning ruhiy holatiga ketma-ket mag'lubiyatlar o'z tasirini ko'rsatayotgan edi, shuning uchun bugun qanday bo'lmasin g'alaba qozonish zarur edi. Shuningdek ikkinchi bo'limida jamoaning ikkinchi golini kiritgan Muhammad Muntari ham 11-raqamdagi Diyab Hasan Alinabiga almashtirldi.

“Al-Jayish”ning yangi murabbiyi Nabil Manul shunday qilib, o'z maqsadiga erishdi va u boshchiligidagi jamoa safarda “Al-Sadd” jamoasini mag'lubiyatga uchratib muhim uch ochkoni qo'lga kiritishdi. Ushbu g'alabadan so'ng ular 27 ochko to'plashib, turnir jadvalining 2-pog'onasiga ko'tarilib olishdi, turnir jadvalida esa hamon "Al-Sadd" jamoasi xuddi shuncha ochko to'plagan holda karvonboshilik qilayapti. Shuningdek ular bitta kam o'yin ham o'tkazishgan.

24.01.2014. QYUL, 16-tur. Jassim Bin Hamad stadioni

“Al-Sadd” - “Al-Jayish” 1:2 (0:0)

Gollar ("Al-Jayish"): Kembo Ekoko, Muhammad Muntari.

“Al-Jayish”: 33. Axmad Sufiyon, 23.Xolid Abdul Rauf, 4.Anderson Viera Martins, 2.Murod Naji, 7.Vesam Rizq, 10.Kembo Ekoko (Rami Fayoz 63), 12.Majid Muhammad, 37.Seul Ki Go, 20.Vagner Ribero, 21.Ali Sanad, 29.Muhammad Muntari

Zaxiradagilar: 92.Saud Al-Xotir, 6.Rami Fayoz, , 5.Muhammad Ahmad Jabri, 11.Diyab Hasan Alinabi, 8.Yusuf Muftah, Abdulrahmon Akbar.

QYULsining keyingi turi 28 yanvar kuni boshlanadi, shu kuni “Al-Jayish” jamoasi o'z maydonida “Al-Haraitiat” jamoasini qabul qiladi.

"Nasaf" raqibi “Al-Jayish” safarda “Al-Sadd”ni mag'lubiyatga uchratdi