Avvalroq Qarshining "Nasaf" jamoasi musobaqa guruh bosqichiga chiqish uchun pley-off o'yinida "Baniyas" bilan o'ynashi malum bo'lgan edi. Ayni paytda "ajdarlar"da juda yaxshi imkoniyat yuzaga kelmoqda. Buning uchun BAAdan g'alaba bilan qaytishsa bo'lgani, tamom. Mana shu pallada ikki jihatni ko'rishimiz mumkin.

Bosimsiz o'ynash imkoniyati

"Nasaf" mag'lubiyatga uchragan taqdirda OFK kubogi orqali xalqaro maydondagi yurishini davom ettiradi. Biz bu bilan hozirdanoq jamoani OCHLdan chetga chiqarib qo'ymoqchi emasmiz. Lekin yuqoridagi birinchi faktor Ro'ziqul Berdiev shogirdlarining bosimsiz hech narsani o'ylamagan holda to'p tepishlarini taminlaydi. Chunki xalqaro maydonda imkoniyat yo'qotilmagan bo'ladi.

"Nasaf" hech narsani yo'qotmaydi. "So'g'diyona"chi?

Hozir takidlaganimizdek, "Nasaf" 15 mart kuni amirliklarda mehmon bo'lib ikkita yo'llanmadan birini qo'lga kiritadi. Mag'lubiyatda ham, g'alabada ham jamoa hech narsani yo'qotmaydi. Yutuq qitaning nufuzli musobaqasiga, muvaffaqiyatsizlik esa ikkinchi darajali turnirga yo'l beradi. Shu kuni Jizzaxning "So'g'diyona" jamoasi astoydil qarshiliklarga muxlislik qiladi. "Nasaf"ning "Baniyas"dan ustun kelishi Superliganing kumush medal sohibiga tarixda ilk bor xalqaro maydon eshiklarini ochadi.

"Baniyas" haqida

Ushbu klub 1982 yilda tashkil topgan. Uy uchrashuvlarini 10 000 sig'imga ega "Baniyas" arenada o'tkazadi. Jamoani ruminiyalik Daniel Iseyle boshqarmoqda. Malumot o'rnida aytish mumkinki, 2011 yil qisqa vaqt franciyalik futbol yulduzi David Trezege to'p tepgan. Ayni paytdagi holatga ko'ra, Sasha Ivkovich (Xorvatiya), Salim Al Mamari (Ummon), Saile (Braziliya), Gaston Alvarez Suarez (Argentina), George Tibar (Tanzaniya), Nikolas Ximines (Argentina), Joao Viktor (Braziliya), Isaak Telin (Shveciya), Said Xamis (Tanzaniya) kabi legionerlar jamoada o'ynamoqda. Jamoaning o'rtacha yoshi 25,7. Jamoa o'tgan mavsum amirliklar chempionatida 2 o'rinni egalladi. Ayni payt BAA Pro ligasida 7 o'rinni egallab turibdi.

"Nasaf" uchun ikki yo'l ochiq. "So'g'diyona"da esa...