Saytimiz delegaciyasi ko'pchilikning diqqat markazida bo'lib turgan mazkur bahsni bevosita stadionni o'zidan yoritib borish maqsadida erta tongdan yo'lga otlandilar. Namangan shahriga etib kelganimizda viloyat markazi uzra futbol havosi kezib yurganligiga guvoh bo'ldik. Uzoq yo'l bosib kelganligimiz tufayli o'yindan oldin tushlik qilib olishga ehtiyojimiz bor edi. Shahar ko'chalarini kezayotganimizda "Eyfel" deb nomlangan kafe diqqatimizni tortdi.

Aynan mana shu kafeda tamaddi qilib olganimizdan so'ng, hali o'yin boshlanishiga 3 soat borligiga qaramasdan stadion tomon oshiqdik. Stadion kirish eshiklari yonida skuter va kichik mashinalarga o'rnatilgan vatanimiz bayroqlari juda ajoyib manzarani aks ettirayotgandi.

O'yinoldi jarayonlarni kuzatib borish bilan birga o'yingohga kirish uchun sotilayotgan chiptalar savdosi bilan qiziqdik. Maxsus avtomobillarda sotilayotgan kirish chiptalariga navbat juda ko'p edi.

Uchrashuv boshlanishiga ikki soatdan ko'proq vaqt qolganda muxlislarni stadionga kiritish jarayoni boshlandi. Stadion kirish eshiklari yonida to'plangan muxlislarga havas qilsa arziydi.

Uchrashuvni bevosita stadiondan kuzatib borish uchun kelayotgan ayrim muxlislarni alohida kadrda suratga tushirishga ham ulgurdik.

Bu ota-bola muxlislar "Navbahor"ning 5:0 hisobidagi g'alabasini taxmin qilishgan ekan...

Nihoyat OAV vakillari va jurnalistlar uchun belgilangan joydan "Markaziy" o'yingohga kirib keldik.

Bu vaqtda stadion muxlislar bilan tobora to'lib borayotgandi.

O'yindan oldin taniqli sanatkorlarning chiqishlari muxlislarga yanada yuqori kayfiyatni taqdim etdi.

Uchrashuv boshlanishiga bir soat qolganda stadion muxlislar bilan deyarli to'lib bo'lgandi

Bu esa o'yindan oldin Championat.asia muxbiri bilan suratga tushsang, albatta gol urasan deb nomlangan surat

O'yindan oldin rasmiy shaxslar ishtirokida Namangan viloyatida katta futbol mavsumining ochilish marosimi bo'lib o'tdi.

Nihoyat orziqib kutilgan uchrashuv boshlandi. O'z maydonidagi mavsumning dastlabki uchrashuvini 25000dan ziyod futbol muxlislari qarshisida o'tkazgan "Navbahor" Azimjon Ahmedov va Igor Golbanning ikkinchi bo'limda urgan gollari evaziga 2:0 hisobida g'alaba qozondi.

Bekzod Tolibov tayyorladi

"Navbahor" - "Lokomotiv". O'yin atrofidagi voqeliklar, skuterdagi bayroqlar va "Eyfel"dagi tushlik haqida