"Navbahor" - "Lokomotiv" 4:0
5 may 2024 yil. Namangan, "Markaziy" stadioni. 18:00
Hakamlar: Aziz Asimov, Nikita Afinogenov, Dilshod Jumaniyozov, Nikita Mustafin
VAR: Rustam Lutfullin
AVAR: Akmal Rahimov
Nazoratchi: Jahongir Saidov
Komissar: Diyor Xotamqulov.

Gol: 1:0 - 29, Jamshid Boltaboev (Abror Ismoilov), 2:0 - 50, Odil Hamrobekov (Jamshid Iskanderov), 3:0 - 62, Yovan Jokich (Jamshid Iskanderov), 4:0 - 90+4, Siyavash Haqnazari.

"Navbahor": 1. O'tkir Yusupov, 7. Azimjon Ahmedov (s), 9. Odiljon Hamrobekov, 10. Jamshid Iskanderov (8. Siyavash Haqnazari, 84), 11. Asadbek Sobirjonov (17. Ruslanbek Jiyanov, 77), 13. Filip Ivanovich, 14. Jamshid Boltaboev, 22. Toma Tabatadze (71. Navro'zbek Iminjonov, 83), 23. Yovan Jokich, 34. Farruh Sayfiev, 77. Abrorbek Ismoilov (6. Ibrohim Yo'ldoshev, 70).

Zaxira: 12. Aleksandr Lobanov, 19. Sherzodbek Abdulboriev, 21. Giorgi Nikabadze, 24. Dostonbek Abdulhaev, 27. Ozodbek O'ktamov.

"Lokomotiv": 1. Abdumavlon Abdujalilov, 2. Abdulazizxon Abdurashidov, 4. Ivan Rogach, 6. Sherzod Komilov (55. Anzur Ismoilov, 46), 7. Sardor Abdunabiev (28. Quvonchbek Abraev, 81), 8. Damyan Krayishnik (27. Sobit Sindarov, 73), 11. Izzatilla Abdullaev (10. Ivan Bulatovich, 53), 14. Dilshod Komilov, 17. Sanjar Tursunov (s), 22. Muhammadanas Hasanov, 26. Abdulloh Yo'ldoshev.

Zaxira: 16. Danil Baklanov, 32. Suhrob Sultonov, 23. Jahongir Hoshimboev, 77. Lazizbek Mirzaev.

Ogohlantirish: Sherzod Komilov (45+2), Dilshod Komilov (54).

Chetlatish: Dilshod Komilov (75, 2SK).

MATNLI TRANSLYACIYA

YANGILASH

UCHRASHUV YAKUNLANDI!

90+4. GOL! Zaxiradan maydonga tushirilgan Siyavash Haqnazari Jokichning zarbasidan so'ng darvozabondan qaytgan to'pni darvoza to'riga joylab qo'ydi!

90+2. Sayfiev Jokichni qulay vaziyatga olib chiqqandi, ammo jamoadoshi to'pga eta olmadi.

90. Ikkinchi bo'limga 5 daqiqa qo'shib berildi.

84. "Navbahor" tarkibida ketma-ket o'zgarishlar sodir bo'lmoqda.

78. Mezbonlarning standarti xavfli ko'rinish oldi, Ivanovich yakuniy zarbani yo'llashda aniq harakat qila olmadi.

75. Dilshod Komilov Tabatadzeni qo'pol ravishda to'xtatib qolgani uchun ikkinchi sariq kartochkani qabul qilib, maydondan chetlatildi.

70. Navbahor"da o'zgarish: Yo'ldoshev Ismoilov o'rniga maydonga tushdi.

69. Mehmonlar tomonidan yo'llagan zarbani Yusupov xotirjam tarzda ushlab oldi.

62. GOL! Iskanderovning ajoyib uzatmasidan so'ng raqib posboni bilan birga-bir vaziyatga chiqib borgan Jokich pasni mohirlik bilan nihoyasiga etkazdi.

61. Mehmonlarning standart vaziyati xavfli ko'rinish oldi. Krayishnik juda yaqin masofadan aniq zarba yo'llay olmadi.

57. Tabatadze "Lokomotiv" darvozaboni bilan birga-bir vaziyatga chiqib bordi, ammo uning kuchsiz tarzda yo'llagan zarbasi Abdujalilovga qiyinchilik tug'dirmadi.

54. Jamoasi yutqazayotgan Dilshod Komilov vaqt cho'zgani uchun ogohlantirildi.

53. "Lokomotiv" tarkibida o'zgarish: Abdullaev o'rniga Bulatovich maydonga tushirildi.

52. Izzatilla Abdullaevning olisdan yo'llagan zarbasi noaniq ko'rinish oldi.

50. GOL! Burchak to'pidan boshlangan hujum Hamrobekovning chap oyoqdagi aniq zarbasi bilan yakunlandi!

48. Mezbonlarda xavfli vaziyat yuzaga keldi. Tabatadzening pasidan so'ng Iskanderovning 18 metrlardan yo'llagan aylanma zarbasiga biroz aniqlik etishmadi.

46. Ikkinchi bo'lim boshlandi. Anzur Ismoilov Sherzod Komilovni almashtirdi.

Taym yakunlandi.

45+2. Sobirjonovga nisbatan qo'pollik ishlatildi. Unga tibbiy yordam ko'rsatilmoqda. Vaziyatga noroziligini bildirgan Sherzod Komilov esa ogohlantirildi.

45. Birinchi bo'limga 2 daqiqa qo'shib berildi.

~~45. GOL! Tabatadze "Lokomotiv" darvozasini ishg'ol qildi, biroq hakam o'yindan tashqari holat qayd etdi.~~

43. Odil Hamrobekovga nisbatan qo'pollik ishlatildi. "Navbahor" yarim himoyachisi oyog'ida biroz og'riq sezmoqda.

41. Komilovning chap qanotdan uzatgan to'pi judadan juda noaniq ko'rinish oldi.

39. Sayfiev "Lokomotiv" murabbiyi bilan gap talashib qoldi. Murabbiy ikkalasiga ham cho'ntagidagi predmetni ishga solishini malum qilib, ularni tinchlantirdi.

37. Sayfievning chap qanotdan uzatmasi zarbaga aylanib ketdi, Abdujalilov o'z o'rnida.

31. Tursunov uzoq masofadan o'z omadini sinab ko'rdi, ammo uning o'ylagan rejasi amalga oshmadi.

30. Ismoilov bir daqiqa ichida jamoasiga hisobiga yana bitta gol yozdirib qo'yishiga bir bahya qoldi, biroq u o'yindan tashqari holatda qolgan ekan.

29. GOL! Ismoilovning pasidan so'ng Boltaboev olis masofadan raqib darvozasining pastki burchagini aniq nishonga oldi!

25. Abdujalilov bu safar Sayfievning uzatmasini bartaraf etdi. Mezbonlarning qanotdan jarima maydoniga oshirish uslubi naf bermapti. Ehtimol, Babayan "b" rejasini ishga solishi kerakdir, bo'lsa agar. Shu bilan birga, mehmonlarda ham hujum qilish xohishi yo'qdek.

24. Sobirjonovning chap qanotdan uzatgan to'pini Abdujalilov egallab oldi.

21. Uchrashuvning dastlabki choragida o'yin tempi yuqori emas. Mezbonlar hujumlarida so'nggi uzatmalarda noaniqliklar ko'zga tashlanmoqda. Mehmonlar esa hujumga o'tishga shoshilmayapti. Ular qarshi hujumda omadini sinab ko'rmoqchidek yoki raqiblarining charchashini kutishmoqda.

16. Iskanderovning burchakdan uzatgan to'pini Ahmedov boshi bilan sherigiga oshirdi, ammo mehmonlar bu pasni payqab qolishdi.

Turnir jadvalidagi holat bilan tanishing.

14. "Navbahor" darvozaboni chap qanot orqali jamoadoshini olg'a boshladi, ammo uning kross uzatmasiga aniqlik etishmadi. Keyingi hujumda esa Sobirjonovning chap qanotdan uzatga to'piga ham aniqlik etishmadi. Mezbonlarda bu borada kamchiliklar ko'zga tashlanmoqda.

Superligadagi tanaffus chog'ida ikki jamoa ham O'zbekiston kubogi guruh bosqichi doirasidagi o'yinlarini o'tkazishdi. "Navbahor" "o'lim guruhi"da peshqadam sifatida keyingi bosqichga yo'l olgan bo'lsa, "Lokomotiv" o'z guruhida qolib ketdi.

10. Mezbonlar chap qanotdan markaz tomon Tabatadzeni oldinga boshladi, gruzin hujumchisi esa to'pni to'xtata olmadi.

O'zaro o'yinlarda toshkentliklar ustunlikka ega.

3. Mezbonlarda xavfli hujum yuzaga keldi. Boltaboevning o'ng qanotdan Tabatadze tomon uzatgan to'pini "Lokomotiv" himoyachilari qiyinchilik bilan qaytardi.

1. Dastlabki daqiqadayoq to'qnashuv yuzaga keldi. Tabatadze Komilovga shikast etkazdi.

1. Uchrashuv boshlandi. "Navbahor" futbolchilari ko'k, "Lokomotiv" o'yinchilari qizil rangli liboslarda harakat qiladi.

Superliga-2024. Bir kishi kam bo'lib qolgan "Lokomotiv" "Navbahor"ga yirik hisobda yutqazdi