Бахтиёр Бобоев бошқарувидаги “Бунёдкор” пермликларга қарши баҳсда ҳам икки хил таркибни синаб кўрди. Учрашувнинг биринчи бўлимида жамоалар ҳужумкор ўйин намойиш этишди. Бироқ ҳеч бир жамоа дастлабки таймда дарвозаларга йўл топа олмадилар.

Танаффусдан кейин ҳар иккала жамоа таркибида ўзгаришлар юз берди. Бироқ жамоаларнинг бир-бирларига кўрсатган муносиб қаршилиги деярли ўзгаришсиз қолди. 68-дақиқада Россия премьер-лигаси вакиллари ҳисобни очишга муваффақ бўлишди. Стандарт вазиятидан оширилган тўпни Рамазон Исаев дарвозага аниқ йўналтирди – 0:1. Орадан кўп ўтмай “қалдирғочлар” жавоб тўпини киритишди. Элдор Шомуродов ва Достонбек Ҳамдамов комбинациясидан сўнг Ҳамдамов қулай вазиятга чиқиб борди ва дарвозага зарба беришда адашмади – 1:1.

Шу тариқа, “Бунёдкор” БААдаги иккинчи назорат учрашувида дуранг натижа қайд этди. Бунгача “қалдирғочлар” бошқа бир Россия премьер-лигаси иштирокчиси Маҳалчалъанинг “Анжи” клубини 3:2 ҳисобида мағлубиятга учратишган эди.

Назорат учрашуви
“БУНЁДКОР” – “АМКАР” (Россия) 1:1 (0:0)
Голлар: Рамазон Исаев 68 (0:1), Достонбек Ҳамдамов 75 (1:1)

“Бунёдкор” 1-тайм: 45.Акбар Тўраев, 2.Акмал Шораҳмедов (С), 5.Дилшод Жўраев, 6.Анвар Ғофуров, 8.Жовлон Иброхимов, 9.Минори Сато, 15.Дилшодбек Аҳмадалиев, 19.Забиҳилло Ўринбоев, 22.Рустамжон Ашурматов, 27.Сардор Собирхўжаев, 46.Санжар Қодирқулов
“Бунёдкор” 2-тайм: 25.Муроджон Зуҳуров, 2.Акмал Шораҳмедов (С), 7.Александр Алемпиевич, 11.Шаҳзодбек Нурматов, 16.Баҳодир Насимов, 17.Достонбек Ҳамдамов, 22.Рустамжон АшуоматовЮ 29.Отабек Шукуров, 34.Жавлон Мирабдуллаев, 39.Элдор Шомуродов, 48.Акрамжон Комилов

“Амкар” 1-тайм: 57.Александр Селихов, 4.Николай Зайцев, 23.Иван Черенчиков, 14.Георгий Жикия, 19.Браян Идоу, 33.Бранко Йовичич, 20.Павел Комолов, 18.Алексей Курзенов, 17.Давид Дзахов, 11.Чума Анене, 10.Брайт Дикие
“Амкар” 2-тайм: 1.Роман Герус, 39.Рустам Вазитдинов, 8.Рамазан Исаев, 50.Роберт Арзумарян, 6.Видд Шитов, 70.Андрей Гусин, 12.Алекс Сквортов, 25.Давид Хурцидзе, 45.Рональд Гиголаев, 26.Аҳмед Ругилов, 27.Олег Мишенко
Бош ҳакам: Ҳасан Муса (Уммон)
22 январь. Шаржа. “Ал-Ҳамрия” стадиони.

Назорат учрашуви: “Бунёдкор” – “Амкар” 1:1