Ushbu holat bo'yicha Neftchi quyidagilarni malum qiladi.

Neftchi yangi mavsumda o'z oldiga yuqori maqsadlarni qo'ygan holda tayyorgarliklarni davom ettirmoqda. Shunga muvofiq ravishda selekciya ishlari ham davom etmoqda. Kuni kecha klub rasmiy sahifalarida klub ijrochi direktori Muhammadsolih Abdusattorovning qisqa intervyusi taqdim etilgandi. Unda Muhammadsolih Abdusattorov selekciya jarayonlari haqidagi fikrlarida aytilgan ikkita poziciya bo'yicha o'zbek futboli jamoatchiligiga tanish bo'lgan bir qator futbolchilar ko'rib chiqilayotgani va muzokaralar davom etayotganini bildirilgandi. Ro'yxatdagi futbolchilar orasida bugun tarmoqlarda nomi keltirilgan terma jamoamiz himoyachisi Rustam Ashurmatov ham bor. Lekin Neftchi klubi shuni malum qiladiki, jamoa rahbariyati Rustam Ashurmatovning transfer huquqini sotib olishni rejalashtirmagan. Bu holat bo'yicha tarmoqlarda bazi blogerlar asoslanmagan va noto'g'ri malumotni tarqatdi.

Shuningdek, klub ijrochi direktori Muhammadsolih Abdusattorov bu holat bo'yicha qo'shimcha ravishda izoh berib o'tdi Tarmoqlarda tarqalgan xabar 100% feykligini bildirib o'taman. Jamoamiz RPL klublaridan futbolchi sotib olish imkoniyatiga ega emas. Muzokaralar olib borilayotgan futbolchilarni qo'lga kiritsak ham yoki erkin agent sifatida yo ijara asosida buni amalga oshiramiz. Bunga yaqqol misol tariqasida o'tgan yili jamoamiz safiga Alaniyajamoasidan kelib qo'shilgan Husayn Norchaevni keltirib o'taman. Jamoamiz muxlislari klubimiz haqidagi aniq va to'g'ri xabarlarni klub rasmiy sayti va tarmoqlardagi sahifalaridan bilishlari mumkin.

Neftchi Ashurmatov bo'yicha rasmiy bayonot berdi